TURISMO E CULTURA
Unha delegación desta comisión, na que estaba Xosé Manuel Iglesias, visitou a cidade de Luxemburgo, sede do Instituto Europeo de Itinerarios Culturais, para iniciar os contactos de cara á organización destes eventos conmemorativos, que terán lugar en outubro en Compostela. O Camiño de Santiago foi declarado Primeiro Itinerario Cultural Europeo o 23 de outubro de 1987.
Turismo e Cultura preparan os actos conmemorativos do nomeamento do Camiño de Santiago como Primeiro Itinerario Cultural Europeo
12/07/2007 O concelleiro de Promoción Económica, Comercio, Emprego e Turismo, Xosé Manuel Iglesias, e o tenente de alcalde, Néstor Rego, reuniranse o venres 13 co Conselleiro de Innovación e Industria, Fernando Blanco. Na xuntanza trataranse diferentes temas dos ámbitos nos que teñen competencias comúns a Concellería e a Consellería: a promoción económica, o comercio e o turismo.
No campo do turismo xa se comezou unha colaboración máis estreita en anteriores reunións do concelleiro de Turismo co director xeral de Turismo, Rubén Lois. De feito, este departamento, dependente da Consellaría de Innovación e Industria, a concellería de Promoción Económica, Comercio, Emprego e Turismo e a concellería de Cultura e Centros Socioculturais veñen de formar unha comisión organizadora dos actos conmemorativos do vixésimo aniversario do nomeamento do Camiño de Santiago como primeiro Itinerario Cultural Europeo.Unha delegación desta comisión, na que estaba Xosé Manuel Iglesias, visitou a cidade de Luxemburgo, sede do Instituto Europeo de Itinerarios Culturais, para iniciar os contactos de cara á organización destes eventos conmemorativos, que terán lugar en outubro en Compostela. O Camiño de Santiago foi declarado Primeiro Itinerario Cultural Europeo o 23 de outubro de 1987.