SEGURIDADE
Reforzo na seguridade nas vésperas do 25 de xullo
06/07/2007 O nivel de seguridade na cidade nas proximidades do 25 de xullo será semellante ao dun Ano Santo. Así o indicou o alcalde, Xosé A. Sánchez Bugallo, a propósito do reforzo da presenza policial que nestes días se está a detectar na cidade.
Este nivel adicional de seguridade obedece unicamente ao nivel 2 de seguridade que se decretou en todo o Estado por motivo da ameaza terrorista de ETA. "Sabemos que ETA quere atentar neste mes e que quere buscar a maior repercusión", apuntou, se ben recalcou que este control ten un obxectivo "preventivo e disuasorio" e non responde a ningunha ameaza en concreto.