PROMOCIÓN ECONÓMICA
Esta rede constituíuse como o obxectivo final de Equal Compostela Social para desenvolver as seguintes liñas de actuación: información e recursos, formación, tecnoloxía, deseño, internacionalización das empresas e novas actividades empresariais
A actividade da Rede de Cooperación Empresarial xirará arredor do Centro Empresarial Equal Compostela Social (CECS), o cal contará cunha serie de instalacións e servizos que permitan desenvolver os obxectivos de cooperación empresarial. Entre estes servizos está o espazo Web de Cooperación Empresarial, onde as empresas poderán difundir e promocionar os seus servizos e produtos na rede, recibir información sobre ofertas e demandas de cooperación, e todo tipo de comunicacións de interese.
Outros servizos que ofrece son as titorías personalizadas, que xa se veñen desenvolvendo en Equal Compostela Social; testado da situación das empresas que o soliciten, axudas para facilitar a apertura de novos mercados no exterior; servizo de paquetería; servizos de apoio na selección de persoal; servizos de apoio para conciliar a vida persoal, familiar e laboral; asesoramento en materia de igualdade de oprtunidades; mellora da imaxe corporativa da empresa e formación dos emprendedores.
Descontos
A través do Centro Empresarial Equal Compostela Social, as empresas que formen parte da Rede de Cooperación Empresarial poderán obter descontos nos servizos prestados entre elas (mensaxería, papelería, cartelería e rotulación, limpeza, etc.) e descontos en publicidade no marco dos convenios asinado pola Concellaría de Promoción Económica e Emprego cos medios de comunicación locais.
Na Rede de Cooperación Empresarial poden integrarse, en principio, as 40 empresas xurdidas a través de Equal Compostela Social, e aquelas externas que colaboraron na fase de mentoring do programa, é dicir, aquelas nas que as/os usuarias/os fixeron as prácticas. 28 das 40 empresas constituídas, o 70%, foron promovidas por mulleres.
Presentada a Rede de Cooperación Empresarial
10/05/2007 O presidente da Agrupación de Desenvolvemento Compostela Social e concelleiro de Promoción Económica, Xosé Manuel Iglesias, presentou, na Aula de Cultura de Caixa Galicia, a Rede de Cooperación Empresarial. O seu obxectivo é fomentar o desenvolvemento de proxectos de cooperación empresarial que axuden ás iniciativas xurdidas ao abeiro do programa Equal Compostela Social a mellorar a súa competitividade e a manter unha posición sólida no mercado. Durante o acto repartiuse aos asistentes un directorio cos enderezos e sector de actividade das corenta empresas xurdidas no marco do programa.
A Rede de Cooperación Empresarial enmárcase dentro do Proxecto Equal Compostela Social, promovido pola Agrupación de Desenvolvemento Compostela Social. A rede pretende dotar ás 40 empresas xurdidas a través deste programa da metodoloxía necesaria e das capacidades para levar a cabo o seu propio proxecto de cooperación con éxito.Esta rede constituíuse como o obxectivo final de Equal Compostela Social para desenvolver as seguintes liñas de actuación: información e recursos, formación, tecnoloxía, deseño, internacionalización das empresas e novas actividades empresariais
A actividade da Rede de Cooperación Empresarial xirará arredor do Centro Empresarial Equal Compostela Social (CECS), o cal contará cunha serie de instalacións e servizos que permitan desenvolver os obxectivos de cooperación empresarial. Entre estes servizos está o espazo Web de Cooperación Empresarial, onde as empresas poderán difundir e promocionar os seus servizos e produtos na rede, recibir información sobre ofertas e demandas de cooperación, e todo tipo de comunicacións de interese.
Outros servizos que ofrece son as titorías personalizadas, que xa se veñen desenvolvendo en Equal Compostela Social; testado da situación das empresas que o soliciten, axudas para facilitar a apertura de novos mercados no exterior; servizo de paquetería; servizos de apoio na selección de persoal; servizos de apoio para conciliar a vida persoal, familiar e laboral; asesoramento en materia de igualdade de oprtunidades; mellora da imaxe corporativa da empresa e formación dos emprendedores.
Descontos
A través do Centro Empresarial Equal Compostela Social, as empresas que formen parte da Rede de Cooperación Empresarial poderán obter descontos nos servizos prestados entre elas (mensaxería, papelería, cartelería e rotulación, limpeza, etc.) e descontos en publicidade no marco dos convenios asinado pola Concellaría de Promoción Económica e Emprego cos medios de comunicación locais.
Na Rede de Cooperación Empresarial poden integrarse, en principio, as 40 empresas xurdidas a través de Equal Compostela Social, e aquelas externas que colaboraron na fase de mentoring do programa, é dicir, aquelas nas que as/os usuarias/os fixeron as prácticas. 28 das 40 empresas constituídas, o 70%, foron promovidas por mulleres.