TURISMO

Turismo de Santiago explica o proxecto Bodah a representantes da cidade canadense de St. John's

21/09/2022 Turismo de Santiago presentou as liñas principais do proxecto europeo Bodah, liderado pola entidade de xestión turística municipal, a representantes da cidade de St. John's, capital da provincia canadense de Terranova e Labrador. A reunión celebrouse no marco do proxecto IURC, no que o Eixo Atlántico e o Concello de Braga estableceron unha colaboración con esta cidade canadense.

Un dos principais ámbitos de traballo dentro da colaboración con St. John's é o desenvolvemento de modelos sostibles e locais no eido do Turismo. Por iso na reunión, ademais do Bodah, tamén se presentarons as principais liñas de traballo do proxecto Smartiago e do Plan de Sostibilidade Turística.

O proxecto Bodah ten coma obxectivo fortalecer un modelo desenvolvemento sostible do turismo, dos fluxos de cidadáns e a redistribución dos seus impactos grazas ao uso de datos e de tecnoloxías intelixentes. No Bodah desenvolveranse novas ferramentas e solucións en liña cos cambios actuais do sector e integrando características propias dos destinos turísticos intelixentes.

No proxecto Bodah, liderado por Turismo de Santiago, participan Fundación Santa María La Real del Patrimonio Histórico, Fomento San Sebastián, Universidade Nova de Lisboa, Université de Pau et des Pays de l’Adour, Cork Institute of Technology, Glasgow Caledonian University e a Bangor University.

Compartir: