UMAD
Os premios consistiron nun vale por 150 euros en material de debuxo e pintura, en música ou en entradas para o cine, a escoller polos gañadores.
Entregados os premios do 2º concurso de ideas "Xóvenes, noite e alcohol"
20/05/2005 Hoxe tivo lugar a entrega de premios do 2º Concurso de ideas "Xóvenes, noite e alcohol", organizado desde a Unidade Municipal de Atención a Drogodependentes (UMAD). O acto de entrega será no edificio da UMAD (Salgueiriños s/n (detrás de Facenda). No acto estiveron presentes a Concelleira de Servicios Sociais, Muller e UMAD, Adelaida Negreira Riveiro e a Directora da UMAD, Mª Pilar Bermejo González.
"Xóvenes, noite e alcohol" é o nome do concurso organizado pola UMAD no que participaron alumnos de centros educativos de Santiago. Os premiados pola categoría A (de 2º e 3º de ESO) foron Mª del Carmen Fernández Cepeda (alumna de 3º de ESO do IES Lamas de Abade) e Tamara Díaz Mallo (alumna de 3º de ESO do IES Lamas de Abade), que presentaron un "collage" sobre os efectos do alcohol na condución, e na categoría B (alumnos e alumnas de 4º de ESO e 1º de bacharelato), David Buján Rodríguez (alumno de 4º de ESO do IES Antonio Fraguas) e Álvaro González Álvarez (alumno de 4º de ESO do IES Antonio Fraguas), que presentaron un cartel.Os premios consistiron nun vale por 150 euros en material de debuxo e pintura, en música ou en entradas para o cine, a escoller polos gañadores.