MERCADOS
A intención da viaxe é a de coñecer de primeira man o funcionamento destes mercados, con moitos puntos en común co de Santiago, e valorar todas as posibilidades de aplicación de cara ao plan de modernización das instalacións composteláns. A visita enmárcase nun amplo plano de reunións e proxectos encamiñados tanto a coñecer as novidades no sector como a sentar as bases de funcionamento do futuro da praza de abastos de Santiago de Compostela que está en plena fase de renovación.
Os comerciantes da praza visitan os mercados de Barcelona
16/05/2005 Un grupo de vintedous comerciantes da Praza de Abastos de Santiago visita durante os días 16 e 17 de maio os distintos mercados de Barcelona ademais das instalacións do Instituto de Mercados da capital catalana. A delegación compostelán está integrada tamén pola Xunta Directiva da Praza de Abastos e polo concelleiro de Mercados, Xosé Manuel Iglesias.
Durante dous días, os comerciantes da praza, a directiva e o concelleiro de Mercados coñecerán o funcionamento do Instituto Municipal de Mercados de Barcelona e realizarán visitas a dous mercados emblemáticos da cidade como son o histórico e turístico da Boquería e o recén inaugurado despois da súa remodelación de Santa Catarina.A intención da viaxe é a de coñecer de primeira man o funcionamento destes mercados, con moitos puntos en común co de Santiago, e valorar todas as posibilidades de aplicación de cara ao plan de modernización das instalacións composteláns. A visita enmárcase nun amplo plano de reunións e proxectos encamiñados tanto a coñecer as novidades no sector como a sentar as bases de funcionamento do futuro da praza de abastos de Santiago de Compostela que está en plena fase de renovación.