ALCALDÍA
En concreto, para o que se está agora buscando solución é para os solicitantes esporádicos, é dicir, aqueles nenos e nenas que van facer uso do comedor de xeito puntual. O problema radica en que, tal e como se establece nas normas da Xunta, cada neno ten que usar sempre o memos sitio no comedor, o que dificulta buscar ubicación para estas solicitudes non permantes. Cómpre ter en conta, ademais, que é cada centro quen determina o espazo que cede para este uso, xa que en ningún dos colexios cuxa xestión do servizo corresponde ao Concello hai comedor como tal, e que non é posible compatibilizar este uso co lectivo nunha mesma aula. A estes problemas de espazo súmase a necesidade de manter os chamados grupos burbulla, que impide o contacto no comedor entre alumnos e alumnas que non formen parte do mesmo.
"Esta casuística particular fai difícil o encaixe", sinalou Sánchez Bugallo, que indicou que é probable que haxa que facer cambios ante o novo protocolo de comedores que "previsiblemente publique a Xunta esta fin de semana". Non obstante o alcalde fixo fincapé en que se está "atendendo a demanda global e os casos particulares temos que estudalos un a un".
Normalidade no funcionamento
O servizo de comedor e madrugadores, que entrou en funcionamento o pasado día 10 de setembro, está a funcionar con normalidade en todos aqueles centros nos que o servizo é de xestión municipal. A ocupación neste mes de setembro aínda non é do 100%, como soe ser habitual no inicio do curso. O alcalde espera que na primeira semana de outubro a situación "quede normalizada" por completo, tendo en conta que agora mesmo un 30% das familias aínda non decidiu se vai empregar ou non o comedor. Polo de agora, "500 familias están sendo atendidas" cada día.
"Quero facer de novo un recoñecemento aos directores e ao conxunto do profesorado polo esforzo inxente que están facendo" para que o curso se desenvolva sen problemas. O rexedor indicou ademais que "os servizos que dependen do Concello" están a funcionar, tanto a limpeza como os mencionados comedores e o programa de madrugadores.
Vendedoras da praza de Abastos
O alcalde de Santiago referiuse á situación das vendedoras de produtos de proximidade na praza de Abastos: "a limitación do aforo vén dunha normativa da Xunta" que o Concello "ten que cumprir" obrigatoriamente. Non obstante, "desde o Concello tratamos de buscar acubillo para que estas limitación ocasionen os menores danos posibles". Sánchez Bugallo lembrou que "o Concello é a administración tutelar, pero a xestión correspóndelle á cooperativa".
Sinalou o rexedor que "somos sensibles" aos problemas que se derivan das limitacións dos aforos, tamén no sector da Hostalería, pero "pido a todos colaboración, serenidade e prudencia" porque, aínda que os datos en Santiago experimentan unha "certa estabilidade no número total de casos", "isto non rematou e está lonxe de rematar".
Vixilancia policial
A semana que vén comeza o curso en secundaria e en FP, onde "os alumnos teñen máis mobilidade", polo que o alcalde fai un chamamento á colaboración de toda a cidadanía. Tamén dos universitarios no inicio do curso: "non é posible fiar nos corpos e forzas de seguridade toda a responsabilidade". Malia isto, a policía local está a controlar tanto a celebración de botellóns como as festas en pisos. Desde xullo xa se puxeron 115 denuncias por este último motivo, "entre un 10 e un 15% máis que o ano pasado por estas datas".
O Concello traballa para dar resposta ás solicitudes esporádicas de uso do comedor escolar
18/09/2020 O Departamento de Educación segue a traballar, conxuntamento coa empresa que xestiona o servizo, e coas direccións dos centros educativos, para atender todas as demandas de comedor escolar, tendo en conta as limitacións establecidas pola instrución da Xunta e priorizando a seguridade dos nenos e nenas. Así o indicou o alcalde esta mañá en rolda de prensa, trala xuntanza que mantivo no CERSIA cos equipos directivos dos CEIPs da cidade.
Inicialmente, o departamento deu saída ás solicitudes máis urxentes: as das familias con menos recursos (os solicitantes de bolsa de comedor) e as de aquelas con problemas de conciliación. Unha vez encamiñadas estas cuestións, os esforzos céntranse agora en atender e dar resposta a cada unhas das solicitudes con características particulares.En concreto, para o que se está agora buscando solución é para os solicitantes esporádicos, é dicir, aqueles nenos e nenas que van facer uso do comedor de xeito puntual. O problema radica en que, tal e como se establece nas normas da Xunta, cada neno ten que usar sempre o memos sitio no comedor, o que dificulta buscar ubicación para estas solicitudes non permantes. Cómpre ter en conta, ademais, que é cada centro quen determina o espazo que cede para este uso, xa que en ningún dos colexios cuxa xestión do servizo corresponde ao Concello hai comedor como tal, e que non é posible compatibilizar este uso co lectivo nunha mesma aula. A estes problemas de espazo súmase a necesidade de manter os chamados grupos burbulla, que impide o contacto no comedor entre alumnos e alumnas que non formen parte do mesmo.
"Esta casuística particular fai difícil o encaixe", sinalou Sánchez Bugallo, que indicou que é probable que haxa que facer cambios ante o novo protocolo de comedores que "previsiblemente publique a Xunta esta fin de semana". Non obstante o alcalde fixo fincapé en que se está "atendendo a demanda global e os casos particulares temos que estudalos un a un".
Normalidade no funcionamento
O servizo de comedor e madrugadores, que entrou en funcionamento o pasado día 10 de setembro, está a funcionar con normalidade en todos aqueles centros nos que o servizo é de xestión municipal. A ocupación neste mes de setembro aínda non é do 100%, como soe ser habitual no inicio do curso. O alcalde espera que na primeira semana de outubro a situación "quede normalizada" por completo, tendo en conta que agora mesmo un 30% das familias aínda non decidiu se vai empregar ou non o comedor. Polo de agora, "500 familias están sendo atendidas" cada día.
"Quero facer de novo un recoñecemento aos directores e ao conxunto do profesorado polo esforzo inxente que están facendo" para que o curso se desenvolva sen problemas. O rexedor indicou ademais que "os servizos que dependen do Concello" están a funcionar, tanto a limpeza como os mencionados comedores e o programa de madrugadores.
Vendedoras da praza de Abastos
O alcalde de Santiago referiuse á situación das vendedoras de produtos de proximidade na praza de Abastos: "a limitación do aforo vén dunha normativa da Xunta" que o Concello "ten que cumprir" obrigatoriamente. Non obstante, "desde o Concello tratamos de buscar acubillo para que estas limitación ocasionen os menores danos posibles". Sánchez Bugallo lembrou que "o Concello é a administración tutelar, pero a xestión correspóndelle á cooperativa".
Sinalou o rexedor que "somos sensibles" aos problemas que se derivan das limitacións dos aforos, tamén no sector da Hostalería, pero "pido a todos colaboración, serenidade e prudencia" porque, aínda que os datos en Santiago experimentan unha "certa estabilidade no número total de casos", "isto non rematou e está lonxe de rematar".
Vixilancia policial
A semana que vén comeza o curso en secundaria e en FP, onde "os alumnos teñen máis mobilidade", polo que o alcalde fai un chamamento á colaboración de toda a cidadanía. Tamén dos universitarios no inicio do curso: "non é posible fiar nos corpos e forzas de seguridade toda a responsabilidade". Malia isto, a policía local está a controlar tanto a celebración de botellóns como as festas en pisos. Desde xullo xa se puxeron 115 denuncias por este último motivo, "entre un 10 e un 15% máis que o ano pasado por estas datas".