ALCALDÍA
A campaña apela ao uso de máscaras reutilizables -de especificación UNE 0065- fronte a outras dun só uso e lembra que o contedor gris é o destino de todos os residuos asociados á protección fronte a Covid-19, incluídas as máscaras.
O Concello súmase ás recomendacións da FEMP e do Goberno sobre o uso responsable da máscara en contornas naturais
07/08/2020 O Concello de Santiago, como integrante da Federación Española de Municipios e Provincias (FEMP), súmase á campaña desta en colaboración cos ministerios para a Transición Ecolóxica e o Reto Demográfico, e de Consumo, que leva por título "Recordos inesquecibles. A máscara é para ti, non para a natureza". Esta iniciativa promove o uso de máscaras protectoras e quere sensibilizar sobre os efectos do abandono das mesmas en contornas naturais.
Tal como se explica na campaña, unha máscara hixiénica, cuxo uso é indispensable para previr contaxios da Covid-19, tarda entre 300 e 400 años en degradarse se, unha vez utilizada, é abandonada nunha contorna natural. A iniciativa anima ao uso responsable da máscara en espazos naturais, ao tempo que busca concienciar sobre os riscos do seu refugallo en espazos naturais como campos, bosques ou praias.A campaña apela ao uso de máscaras reutilizables -de especificación UNE 0065- fronte a outras dun só uso e lembra que o contedor gris é o destino de todos os residuos asociados á protección fronte a Covid-19, incluídas as máscaras.