CIDADE HISTÓRICA
A anchura do novo elemento aumenta en 30 centímetros con respecto ao existente, e acada unha largura de 1,5 metros. Estas novas medidas obrigan a aumentar o espazo que ocupa agora a escaleira metálica, que é de 1,20 metros, invandindo o ámbito da rúa pola que agora circulan os vehículos da Policia e os do Hostal, e que é usado tamén polos peóns. Por este motivo, o proxecto propón unha sección única, sen diferenciación entre beirarrúas e calzada, que permita unha convivencia pacífica entre o uso peonil e o paso de vehículos autorizados. O pavimento deste tramo resolverase con lousa de granito, igual que o novo acceso ao Pazo de Raxoi.
No mes de xaneiro de 2020, a dirección de Área de Urbanismo elaborou un documento sobre actuacións urxentes no entorno da Catedral de Santiago e nas zonas anexas da cidade histórica para o ano 2021, que no apartado de accesibilidade estudaba diversas propostas de actuación, entre as que se atopaba a mellora de accesibilidde na costa do Cristo.
Tamén se informou favorablemente a solicitude de licenza municipal para obras de renovación do entarimado da igrexa das Nais Mercedarias en Santiago de Compostela, encamiñadas ao mantemento das condicións de hixiene, ornato e funcionalidade da edificación.
No marco do Plan Especial PE-1, tamén se informou positivamente, entre outros puntos, sobre distintas obras de mantemento e retellado de cuberta nun edificio na rúa Virxe da Cerca, e sobre a rehabilitacion dunha vivenda unifamiliar en Campo do Forno, non catalogada.
Ademais de Mercedes Rosón, á Comisión Asesora do Patrimonio Histórico asistiron o concelleiro de Presidencia, Sindo Guinarte, os edís do PP, José Antonio Constenla e Evaristo Ben; Jorge Duarte, por Compostela Aberta; e a voceira do BNG local, Goretti Sanmartín; así como os integrantes da Ponencia Técnica, formada por técnicos do Concello, da USC, do Consorcio, da delegación compostelá do Colexio Oficial de Arquitectos de Galicia e da Dirección Xeral de Patrimonio da Xunta.
A Comisión Asesora do Patrimonio Histórico dá o visto bo á actuación na costa do Cristo para mellorar a accesibilidade a Raxoi
21/07/2020 A Comisión Asesora do Patrimonio Histórico, presidida pola concelleira de Urbanismo, Mercedes Rosón, informou favorablemente sobre o proxecto de mellora da accesibilidade ao Pazo de Raxoi na costa do Cristo. A intervención consiste no acondicionamento do acceso ás dependencias de Tráfico e da Secretaría Municipal, que neste momento se realiza a través dunha plataforma e unhas escaleiras metálicas nada respectuosas coa imaxe da cidade histórica.
A intervención proxectada prevé a substitución do actual elemento metálico de acceso ao inmoble por outro realizado en cantería e que se interprete como un elemento no provisional nin engadido ao edificio, se non que forme parte da propia rúa.A anchura do novo elemento aumenta en 30 centímetros con respecto ao existente, e acada unha largura de 1,5 metros. Estas novas medidas obrigan a aumentar o espazo que ocupa agora a escaleira metálica, que é de 1,20 metros, invandindo o ámbito da rúa pola que agora circulan os vehículos da Policia e os do Hostal, e que é usado tamén polos peóns. Por este motivo, o proxecto propón unha sección única, sen diferenciación entre beirarrúas e calzada, que permita unha convivencia pacífica entre o uso peonil e o paso de vehículos autorizados. O pavimento deste tramo resolverase con lousa de granito, igual que o novo acceso ao Pazo de Raxoi.
No mes de xaneiro de 2020, a dirección de Área de Urbanismo elaborou un documento sobre actuacións urxentes no entorno da Catedral de Santiago e nas zonas anexas da cidade histórica para o ano 2021, que no apartado de accesibilidade estudaba diversas propostas de actuación, entre as que se atopaba a mellora de accesibilidde na costa do Cristo.
Tamén se informou favorablemente a solicitude de licenza municipal para obras de renovación do entarimado da igrexa das Nais Mercedarias en Santiago de Compostela, encamiñadas ao mantemento das condicións de hixiene, ornato e funcionalidade da edificación.
No marco do Plan Especial PE-1, tamén se informou positivamente, entre outros puntos, sobre distintas obras de mantemento e retellado de cuberta nun edificio na rúa Virxe da Cerca, e sobre a rehabilitacion dunha vivenda unifamiliar en Campo do Forno, non catalogada.
Ademais de Mercedes Rosón, á Comisión Asesora do Patrimonio Histórico asistiron o concelleiro de Presidencia, Sindo Guinarte, os edís do PP, José Antonio Constenla e Evaristo Ben; Jorge Duarte, por Compostela Aberta; e a voceira do BNG local, Goretti Sanmartín; así como os integrantes da Ponencia Técnica, formada por técnicos do Concello, da USC, do Consorcio, da delegación compostelá do Colexio Oficial de Arquitectos de Galicia e da Dirección Xeral de Patrimonio da Xunta.