FESTAS
Queima do meco
Trala festa e os sorrisos destes días, o Entroido 2007 chega ao seu fin coa tradicional queima do meco, obra do compostelán José Manuel Méndez. Ás 21:00 horas do mércores 21, os participantes do Entroido e as comparsas acompañarán ao meco desde a praza do Toural ata a praza Roxa facendo o seguinte percorrido: rúa Nova, rúa do Vilar, rúa da Senra, Doctor Teixeiro e República do Salvador.
Todos os que queiran acompañar ao meco ata o seu desenlace teñen que acudir de rigoroso loito. A Banda de Ponteceso será a encargada de acompañar cos seus sons este tráxico fin, co que rematarán as festas máis divertidas e coloristas de Santiago de Compostela.
Preto de 60.000 persoas gozaron do tradicional desfile de Entroido
21/02/2007 O desfile do Entroido congregou a preto de 60.000 persoas, que saíron ás rúas para gozar do paso das carrozas, das comparsas e dos diferentes disfraces que inundaron cos seus sons e corido a cidade. Repartíronse máis de 12.000 euros entre as carrozas, comparsas, parellas, disfraces individuais e grupos no concurso de Entroido.
O primeiro premio das carrozas foi para "La India y sus maravillas", que conseguiu 2.000 euros. Na categoría de comparsas, o primeiro premio foi para "As ferramentas do Gaiás" que levou outros 2.000 euros. A mellor parella foi unha imitación ao DNI da Pantoja-Julián. En canto ao disfraz individual, o primeiro premio, de 150 euros, foi para o disfraz co nome "Non me queimes-plántame". Finalmente, o mellor grupo caracterizado foi "Esquí asfáltico" que levou 400 euros.Queima do meco
Trala festa e os sorrisos destes días, o Entroido 2007 chega ao seu fin coa tradicional queima do meco, obra do compostelán José Manuel Méndez. Ás 21:00 horas do mércores 21, os participantes do Entroido e as comparsas acompañarán ao meco desde a praza do Toural ata a praza Roxa facendo o seguinte percorrido: rúa Nova, rúa do Vilar, rúa da Senra, Doctor Teixeiro e República do Salvador.
Todos os que queiran acompañar ao meco ata o seu desenlace teñen que acudir de rigoroso loito. A Banda de Ponteceso será a encargada de acompañar cos seus sons este tráxico fin, co que rematarán as festas máis divertidas e coloristas de Santiago de Compostela.