LIMPEZA
O servizo de recollida do lixo na zona monumental prolóngase aos domingos e festivos de xaneiro e febreiro
26/12/2006 A Xunta de Goberno local aprobou a ampliación do servizo de recollida do lixo na zona monumental durante os domingos e festivos dos meses de xaneiro e febreiro de 2007.
Esta medida é continuación da adoptada para os meses de novembro e decembro, nos que o servizo funcionou de 7:00 a 13:30 horas durante estes días. Agora decidiuse continuar con esta prestación suplementaria, que terá para o Concello un custo adicional de 2.761 euros.