BENESTAR SOCIAL
A citada escola sitúase no punto coñecido como Cerdeiras do lugar de Carballal, parroquia de Villestro. O terreo acotado ocupa unha extensión de 900 metros cadrados e a superficie construida é de, aproximadamente, 300 metros cadrados nunha única planta. O edificio está conformado por dúas partes simétricas e cada unha delas conta con dous porches (un dianteiro e un traseiro), un almacén, unha aula, un aseo e unha entrada de distribución. Ten capacidade para atender a 20 persoas.
En xuño de 2006 a Consellería de Educación autorizaba a desafectación da Escola de Carballal, o que supón que o Concello conta coa autorización da administración educativa competente para destinar a citada escola a outros usos ou finalidades distintas ás súas docentes orixinarias como escola de educación primaria. Foi precisamente a proposta de ASPANAES de destinar o emprazamento a centro de día a que levou ao Concello a considerar outros usos para esta escola.
A Xunta de Goberno local, considerando conveniente a utilización da citada escola para o fin proposto e entendendo de interese xeral a implantación deste centro, acordou, na sesión celebrada o 23 de outubro de 2006, o outorgamento a favor de ASPANAES do uso da mencionada escola para a posta en funcionamento dun Centro de Día para persoas con trastorno de espectro autista.
A escola de Carballal convertirase o vindeiro curso nun centro de día para persoas de espectro autista
20/12/2006 A Casa do Concello acolleu a formalización da cesión do uso, por parte do municipio compostelán, da antiga escola de Carballal-Villestro á Asociación de Pais de Persoas con Trastorno de Espectro Autista da Coruña (ASPANAES), que a empregará como Centro de Día.
O alcalde compostelán, Xosé A. Sánchez Bugallo, e o presidente de ASPANAES, Antonio de la Iglesia Soriano, fixeron efectivo en Raxoi o acto de cesión do uso da antiga escola de Carballal-Villestro. A asociación empregará este emprazamento, cedido pola institución municipal por un período de 20 anos, para a implantación dun Centro de Día. O rexedor santiagués salientou o traballo que ASPANAES ven realizando dende hai tempo e manifestou a intención do Concello de seguir colaborando de cara ao futuro. Pola súa parte, o presidente da entidade, agradeceu a cesión da escola porque "era algo que necesitabamos e que nos da unha opción de futuro" para os 10 rapaces que agora mesmo están no Centro de Día da asociación.A citada escola sitúase no punto coñecido como Cerdeiras do lugar de Carballal, parroquia de Villestro. O terreo acotado ocupa unha extensión de 900 metros cadrados e a superficie construida é de, aproximadamente, 300 metros cadrados nunha única planta. O edificio está conformado por dúas partes simétricas e cada unha delas conta con dous porches (un dianteiro e un traseiro), un almacén, unha aula, un aseo e unha entrada de distribución. Ten capacidade para atender a 20 persoas.
En xuño de 2006 a Consellería de Educación autorizaba a desafectación da Escola de Carballal, o que supón que o Concello conta coa autorización da administración educativa competente para destinar a citada escola a outros usos ou finalidades distintas ás súas docentes orixinarias como escola de educación primaria. Foi precisamente a proposta de ASPANAES de destinar o emprazamento a centro de día a que levou ao Concello a considerar outros usos para esta escola.
A Xunta de Goberno local, considerando conveniente a utilización da citada escola para o fin proposto e entendendo de interese xeral a implantación deste centro, acordou, na sesión celebrada o 23 de outubro de 2006, o outorgamento a favor de ASPANAES do uso da mencionada escola para a posta en funcionamento dun Centro de Día para persoas con trastorno de espectro autista.