SEGURIDADE
Pola súa banda, o alcalde compostelán sinalou que nunha "sociedade en estado de permanente evolución" cambian as demandas e as preocupacións. Así mesmo, nunha cidade como a nosa, con 92.000 habitantes empadroados, 30.000 estudantes e 30.000 residentes sen empadroar -ao que se engaden os turistas que diariamente visitan a nosa cidade- é unha cidade cun tránsito "complexo e variado" que esixe axentes formados e con moita "versatilidade" para ser efectivos.
Aínda que pareza que os nosos servizos están "sobredimensionados", sinalou, posto que dispoñemos dunha media de axentes por habitantes superior á da maioría das cidades de 90.000 habitantes, a ratio afúndese se engadimos os habitantes de feito. Actualmente, por cada mil habitantes empadroados hai 2,5 policías nacionais e dous policías locais.
Os perto de cincuenta alumnos matriculados terán clases por parte de quince poñentes diferentes ao longo do mes de decembro.
Cincuenta axentes da Policía Local fórmanse en dereito procesal penal
11/12/2006 O alcalde, Xosé A. Sánchez Bugallo, inaugurou, xunto á directora xeral de Interior da Xunta de Galicia, Isabel Gil; o xefe o corpo da Policía Local, Norberto Villaberde; a profesora titular de dereito procesal da USC, Raquel Castillejo; e o profesor da universidade Carlos III, Víctor Moreno, un curso sobre dereito procesal e penal dirixido ao corpo de policías locais de Santiago de Compostela.
No acto de inauguración do curso, o xefe da Policía Local, Norberto Villaverde, lembrou que Santiago é unha cidade segura pero existen riscos e "novas modalidades de delincuencia" que esixen unha intensa acción preventiva por parte dos axentes, e unha formación continua.Pola súa banda, o alcalde compostelán sinalou que nunha "sociedade en estado de permanente evolución" cambian as demandas e as preocupacións. Así mesmo, nunha cidade como a nosa, con 92.000 habitantes empadroados, 30.000 estudantes e 30.000 residentes sen empadroar -ao que se engaden os turistas que diariamente visitan a nosa cidade- é unha cidade cun tránsito "complexo e variado" que esixe axentes formados e con moita "versatilidade" para ser efectivos.
Aínda que pareza que os nosos servizos están "sobredimensionados", sinalou, posto que dispoñemos dunha media de axentes por habitantes superior á da maioría das cidades de 90.000 habitantes, a ratio afúndese se engadimos os habitantes de feito. Actualmente, por cada mil habitantes empadroados hai 2,5 policías nacionais e dous policías locais.
Os perto de cincuenta alumnos matriculados terán clases por parte de quince poñentes diferentes ao longo do mes de decembro.