IGUALDADE
A violencia de xénero é a expresión máis extrema da desigualdade social que sofren as mulleres, e estes asasinatos prodúcense porque a violencia segue sendo utilizada como un mecanismo de control e dominación das mulleres. O Goberno municipal e o conxunto da Corporación condenan firmemente a violencia de xénero, e queren amosar a súa máxima solidariedade coas familias de todas as mulleres asasinadas.
Minuto de silencio pola última vítima mortal da violencia machista
17/11/2016 A praza do Obradoiro acolleu unha concentración para condenar o últimos asasinato machista, que deixou onte unha vítima en Palma de Mallorca.
Aos/ás integrantes da Corporación e traballadores/as municipais habituais nestas concentracións sumáronse nesta ocasión os alcaldes e alcaldesas e concelleiros/as que participaron minutos antes na sinatura do protocolo de colaboración para a organización da campaña En negro contra a violencia. Todos e todas gardaron un minuto de silencio en recordo da muller asasinada. Tal como vén sucedendo regularmente, volveu así darse cumprimento á moción aprobada por unanimidade no Pleno da Corporación do 7 de setembro de 2015, que fixaba accións de dó e solidariedade por cada asasinato machista.A violencia de xénero é a expresión máis extrema da desigualdade social que sofren as mulleres, e estes asasinatos prodúcense porque a violencia segue sendo utilizada como un mecanismo de control e dominación das mulleres. O Goberno municipal e o conxunto da Corporación condenan firmemente a violencia de xénero, e queren amosar a súa máxima solidariedade coas familias de todas as mulleres asasinadas.