POLÍTICA LINGÜÍSTICA
A primeira fase do proxecto consiste nunha xornada dirixida ao profesorado, aínda que calquera pode participar, a celebrar o 18 de novembro no Centro Sociocultural de Vite (Rúa Carlos Maside, 7). As actividades comezarán ás 9:00, con varios relatorios, a presentación do libro "A bisneta lercha", de Paco Martín, e a posta en escena de "Sempre ao lonxe", a cargo de Mofa e Befa.
A segunda fase consta dun concurso de relato oral, que se desenvolverá a través dos centros educativos e que terá a súa fase final no Teatro Principal durante o mes de abril. Concederase un primeiro premio de 250 euros ao relato gañador e, de consideralo o xurado, un segundo por valor de 150 euros.
"Tíralle da lingua" chega á súa VII edición na procura da normalización do uso oral do galego entre os máis novos
14/11/2006 Promover a utilización oral do idioma galego entre as xeracións máis novas é o obxectivo dunha nova edición do proxecto "Tíralle da lingua", organizado pola Concellaría de Política Lingüística en colaboración coa Asociación Pedagóxica Galega (AS-PG). A iniciativa ten dúas fases: unha formativa para o profesorado o sábado 18 de novembro e outra a desenvolver nos centros educativos a través dun concurso de relato oral.
Na presentación deste proxecto, o concelleiro de Política Lingüística, Manuel Portas, apuntou a necesidade de "potenciar o idioma entre os pequenos dende o punto de vista lúdico" como unha das maneiras de afrontar as dificultades que moitos deles teñen para falar o galego. Nisto mesmo incidiu iria Aboi, da AS-PG, quen defendeu a importancia destas xornadas "para favorecer que os pequenos desenvolvan unha capacidade oral relegada moitas veces ás aulas".A primeira fase do proxecto consiste nunha xornada dirixida ao profesorado, aínda que calquera pode participar, a celebrar o 18 de novembro no Centro Sociocultural de Vite (Rúa Carlos Maside, 7). As actividades comezarán ás 9:00, con varios relatorios, a presentación do libro "A bisneta lercha", de Paco Martín, e a posta en escena de "Sempre ao lonxe", a cargo de Mofa e Befa.
A segunda fase consta dun concurso de relato oral, que se desenvolverá a través dos centros educativos e que terá a súa fase final no Teatro Principal durante o mes de abril. Concederase un primeiro premio de 250 euros ao relato gañador e, de consideralo o xurado, un segundo por valor de 150 euros.