COMERCIO
O coordinador do evento, Xosé Manuel Durán, sinalou que "a celebración xa se vai asentando como un referente na cidade co obxecto de integrar a toda a cidadanía, e para que os veciños e veciñas e o comercio busquen as súas raíces e fortalezan as súas relacións para facer do Ensanche "un barrio agradable, vivo e dinámico".
Pola súa parte, Marta Lois apuntou que, facendo coincidir co evento, "o Concello organiza un proxecto de dinamización comercial de rúa durante todo o día, buscando así sinerxias entre as actuacións municipais e as do tecido veciñal e comercial do Ensanche". Trátase de desenvolver unha feira do comercio na que se espera a participación dun máximo de 54 comercios e firmas, cuxos stands ocuparán parcialmente as rúas de San Pedro de Mezonzo, Diego de Muros, Rodríguez Carracido e Ramón Cabanillas.
Ademais, engadiu a concelleira, "a festa estará animada por pasarrúas e as actuacións musicais de Nastasia Zurcher, Dani Barreiro e Cantata Vernácula na zona de Ramírez. Dende o Concello tamén imos colaborar co barrio na elaboración dunha publicación conmemorativa do Ensanche, que será o resultado dun obradoiro que farán no Centro Sociocultural e Xuvenil do Ensanche durante o propio día 1".
Celebraranse torneos de xadrez, na rúa Santiago del Estero; de baloncesto infantil e xuvenil 3x3 coa colaboración de Tiro Libre, na praza Roxa; un taller de prensa para os maiores de 11 anos, no Centro Sociocultural do Ensanche; e tamén xogos populares. Haberá unha polbeira na praza Roxa.
Busca o globo verde
Con ánimo de que o comercio teña un lugar destacado nesta celebración, a organización ofrecerá rifas personalizadas a todos aqueles establecementos que desexen colaborar nesta campaña do comercio. As rifas terán unha imaxe do comercio, a promoción que se oferta e a duración da mesma. Todos aqueles establecementos que o día 1 de outubro ofrezan algunha promoción terán na entrada do comercio un globo verde para indicalo. Dito globo verde permanecerá visible mentres dure a promoción. Ao remate da feira do comercio sortearanse máis de 50 agasallos doados por varios establecementos da cidade.
As bases para participar están distribuídas nos comercios adheridos a EmRede e Santiago Centro, e publicadas no Facebook do evento. Para inscribirse na feira hai un correo electrónico de contacto: 55anosensanche@gmail.com.
O Ensanche celebrará o 1 de outubro unha festa con música e actividades na que participarán máis de 50 comercios
21/09/2016 O Ensanche compostelán volve estar de festa e reedita a celebración do seu 55 aniversario cunha nova edición que leva por nome 56 anos vivindo O Ensanche. A concelleira de Igualdade, Desenvolvemento Económico e Turismo, Marta Lois, presentou os detalles das actividades organizadas polo tecido veciñal e comercial do barrio. Na rolda estivo acompañada do coordinador do evento, Xosé Manuel Durán; o secretario de Santiago Centro, Delmiro Prieto; un representante de Panxea, Gonzalo Gesto; e Eva López de proxecto EmRede.
A Asociación de Veciños Raigame, en colaboración coa Fundación Santiago Centro, Panxea Comercio Xusto, EmRede, Santiago Futsal e o Concello de Santiago, promove a celebración do 56º aniversario do Ensanche compostelán cunha gran festa o vindeiro 1 de outubro. Tras o éxito acadado na primeira edición de 2015 para celebrar o seu 55 aniversario, o tecido asociativo do Ensanche une forzas de novo para organizar esta nova edición.O coordinador do evento, Xosé Manuel Durán, sinalou que "a celebración xa se vai asentando como un referente na cidade co obxecto de integrar a toda a cidadanía, e para que os veciños e veciñas e o comercio busquen as súas raíces e fortalezan as súas relacións para facer do Ensanche "un barrio agradable, vivo e dinámico".
Pola súa parte, Marta Lois apuntou que, facendo coincidir co evento, "o Concello organiza un proxecto de dinamización comercial de rúa durante todo o día, buscando así sinerxias entre as actuacións municipais e as do tecido veciñal e comercial do Ensanche". Trátase de desenvolver unha feira do comercio na que se espera a participación dun máximo de 54 comercios e firmas, cuxos stands ocuparán parcialmente as rúas de San Pedro de Mezonzo, Diego de Muros, Rodríguez Carracido e Ramón Cabanillas.
Ademais, engadiu a concelleira, "a festa estará animada por pasarrúas e as actuacións musicais de Nastasia Zurcher, Dani Barreiro e Cantata Vernácula na zona de Ramírez. Dende o Concello tamén imos colaborar co barrio na elaboración dunha publicación conmemorativa do Ensanche, que será o resultado dun obradoiro que farán no Centro Sociocultural e Xuvenil do Ensanche durante o propio día 1".
Celebraranse torneos de xadrez, na rúa Santiago del Estero; de baloncesto infantil e xuvenil 3x3 coa colaboración de Tiro Libre, na praza Roxa; un taller de prensa para os maiores de 11 anos, no Centro Sociocultural do Ensanche; e tamén xogos populares. Haberá unha polbeira na praza Roxa.
Busca o globo verde
Con ánimo de que o comercio teña un lugar destacado nesta celebración, a organización ofrecerá rifas personalizadas a todos aqueles establecementos que desexen colaborar nesta campaña do comercio. As rifas terán unha imaxe do comercio, a promoción que se oferta e a duración da mesma. Todos aqueles establecementos que o día 1 de outubro ofrezan algunha promoción terán na entrada do comercio un globo verde para indicalo. Dito globo verde permanecerá visible mentres dure a promoción. Ao remate da feira do comercio sortearanse máis de 50 agasallos doados por varios establecementos da cidade.
As bases para participar están distribuídas nos comercios adheridos a EmRede e Santiago Centro, e publicadas no Facebook do evento. Para inscribirse na feira hai un correo electrónico de contacto: 55anosensanche@gmail.com.