CONSORCIO
Este programa de actuacións adquire especial relevancia porque, tal como sinalou o alcalde, tras un período, entre o 2001 e o 2006 en que o Consorcio tivo que afrontar un plan de saneamento e amortizar uns 14 millóns de euros, a entidade recupera agora a súa máxima capacidade financiera e inversora. "Liberados desa carga podemos afrontar obxectivos máis cobizosos", indicou. Á marxe doutros posibles ingresos, a anualidade de 20.600.00 euros vaise manter.
Actuacións en marcha
Ademais da presentación do Plan, a Comisión Executiva ocupouse doutros temas relativos ao funcionamento e a diversas actuacións, que explicou o xerente do Consorcio, Xosé Manuel Villanueva. Un deles foi a aprobación da primeira subvención do Programa de mantemento de edificacións, cuxa primeira convocatoria recibiu 36 solicitudes.
Tamén se acordou un reaxuste do Plan de intervención e restauración de monumentos, que afecta a obras como as de Santa Clara, As Hortas ou a capela de Santa Susana. Igualmente, incrementáronse os recursos para a actuación no Camiño Francés e incluíuse no Plan a restauración do Cristo do mosteiro de San Paio, que ardeu recentemente. Finalmente, aprobouse a realización dun inventario dos bens mobles do conxunto arqueolóxico da cidade, retablos fundamentalmente.
Turismo e encontro de escritores
A Comisión Executiva ratificou así mesmo o convenio susbscrito con Incolsa para o Plan de Calidade Turística, ao que o Consorcio achega 175.000 euros. Afecta fundamentalmente a tres ámbitos: o Plan de Desestacionalización, o Programa de Produtos Turísticos e a Film Comisión.
Outro convenio, que será presentado en breve, fai referencia ao Encontro Iberoamericano e Europeo de Escritores, que organizará o Pen Club do 16 ao 18 de decembro, coa colaboración da Consellería de Cultura e do propio Consorcio, que achegará 100.000 euros.
Na orde do día tamén figuraba a proposta da Axencia Española de Cooperación Internacional (AECI) para utilizar os servizos do Consorcio nos seus programas de protección do patrimonio en Latinoamérica. Ademais acordouse a ampliación da apertura da exposición "Intramuros" ata febreiro de 2007. As razóns son dúas: o éxito en datas como a ponte do Pilar, con máis visitantes que nos días de verán, e a intención de empregar a mostra para programas educativos.
Obras na Alameda
Tanto o presidente como o xerente do Consorcio referíronse finalmente á boa marcha das obras na Alameda compostelá, que nesta fase rematarán a finais de ano. Anunciaron un proxecto complementario para este espazo, cun orzamento de dous millóns de euros, que comezará tan pronto rematen as obras en curso e en función do calendario para que non prexudiquen a celebración das festas da Ascensión e do Apóstolo. Despois destas obras completarase unha actuación na Alameda que Sánches Bugallo cualificou como "a máis importante en cen anos".
Sánchez Bugallo anuncia "actuacións significativas" na cidade por parte do Consorcio para o período 2007-2010
25/10/2006 O Consorcio de Santiago celebrou a reunión da súa Comisión Executiva, na que se presentou o Plan de actuacións 2007-2010. Malia que non quiso adiantar o seu contido, o alcalde compostelán e presidente do Consorcio, Xosé A. Sánchez Bugallo, anunciou que o programa "vai producir satisfacción na cidadanía, porque contén actuacións realmente significativas".
O 29 de novembro a Comisión Executiva tomará a decisión definitiva sobre o Plan, co obxectivo de que o Consello de Administración poida aprobalo posiblemente o 15 de decembro. Segundo indicou Sánchez Bugallo, quizais se puidera reunir o Real Patronato nesas datas, pero todo dependerá da axenda dos seus membros.Este programa de actuacións adquire especial relevancia porque, tal como sinalou o alcalde, tras un período, entre o 2001 e o 2006 en que o Consorcio tivo que afrontar un plan de saneamento e amortizar uns 14 millóns de euros, a entidade recupera agora a súa máxima capacidade financiera e inversora. "Liberados desa carga podemos afrontar obxectivos máis cobizosos", indicou. Á marxe doutros posibles ingresos, a anualidade de 20.600.00 euros vaise manter.
Actuacións en marcha
Ademais da presentación do Plan, a Comisión Executiva ocupouse doutros temas relativos ao funcionamento e a diversas actuacións, que explicou o xerente do Consorcio, Xosé Manuel Villanueva. Un deles foi a aprobación da primeira subvención do Programa de mantemento de edificacións, cuxa primeira convocatoria recibiu 36 solicitudes.
Tamén se acordou un reaxuste do Plan de intervención e restauración de monumentos, que afecta a obras como as de Santa Clara, As Hortas ou a capela de Santa Susana. Igualmente, incrementáronse os recursos para a actuación no Camiño Francés e incluíuse no Plan a restauración do Cristo do mosteiro de San Paio, que ardeu recentemente. Finalmente, aprobouse a realización dun inventario dos bens mobles do conxunto arqueolóxico da cidade, retablos fundamentalmente.
Turismo e encontro de escritores
A Comisión Executiva ratificou así mesmo o convenio susbscrito con Incolsa para o Plan de Calidade Turística, ao que o Consorcio achega 175.000 euros. Afecta fundamentalmente a tres ámbitos: o Plan de Desestacionalización, o Programa de Produtos Turísticos e a Film Comisión.
Outro convenio, que será presentado en breve, fai referencia ao Encontro Iberoamericano e Europeo de Escritores, que organizará o Pen Club do 16 ao 18 de decembro, coa colaboración da Consellería de Cultura e do propio Consorcio, que achegará 100.000 euros.
Na orde do día tamén figuraba a proposta da Axencia Española de Cooperación Internacional (AECI) para utilizar os servizos do Consorcio nos seus programas de protección do patrimonio en Latinoamérica. Ademais acordouse a ampliación da apertura da exposición "Intramuros" ata febreiro de 2007. As razóns son dúas: o éxito en datas como a ponte do Pilar, con máis visitantes que nos días de verán, e a intención de empregar a mostra para programas educativos.
Obras na Alameda
Tanto o presidente como o xerente do Consorcio referíronse finalmente á boa marcha das obras na Alameda compostelá, que nesta fase rematarán a finais de ano. Anunciaron un proxecto complementario para este espazo, cun orzamento de dous millóns de euros, que comezará tan pronto rematen as obras en curso e en función do calendario para que non prexudiquen a celebración das festas da Ascensión e do Apóstolo. Despois destas obras completarase unha actuación na Alameda que Sánches Bugallo cualificou como "a máis importante en cen anos".