EDUCACIÓN E MOCIDADE
Dos 37 composteláns que realizaron o SVE ata agora en países europeos, 28 eran mulleres e 9 homes. A maioría, 13, escolleu Italia como destino, seguida de Francia (4). Actualmente, tres mozos realizan o SVE en Islandia, Dinamarca e República Checa.
O Servizo Local do Programa Xuventude permitiu acoller en Compostela a 48 voluntarios europeos
19/10/2006 O Programa Europeo Xuventude permite aos xóvenes do continente acceder ás posibilidades que ofrece Europa para o fomento dos intercambios, a través da ecuación intercultural e da aprendizaxe das linguas. Desta iniciativa de voluntariado ocúpase en Compostela un Servizo Local, conveniado entre a Escola de Tempo Libre Don Bosco e a Concellaría de Educación e Mocidade. Ata a actualidade este servizo permitiu chegar a Compostela a 48 mozos de diversos países europeos e a saída de 38 composteláns.
Este proxecto europeo vai dirixido a mozos e mozas de entre 18 e 25 anos, residentes nun dos 25 Estados membros da Unión Europea, aínda que tamén está aberto a terceiros países. Dos 48 xóvenes que pasaron ata agora por Compostela 36 eran mulleres e 12 homes. A súa procedencia é diversa, aínda que destacan os dez procedentes de Italia, os oito de Francia e os seis de Alemaña. Actualmente realizan o Servizo de Voluntariado Europeo (SVE) nove mozos e mozas, que realizan actividades no propio centro Don Bosco ou participando nas organizadas polo departamento de Educación. O seu traballo vai dende as ludotecas ata a aprendizaxe de idiomas.Dos 37 composteláns que realizaron o SVE ata agora en países europeos, 28 eran mulleres e 9 homes. A maioría, 13, escolleu Italia como destino, seguida de Francia (4). Actualmente, tres mozos realizan o SVE en Islandia, Dinamarca e República Checa.