EDUCACIÓN
Concerto didáctico "O pequeno Wolfy" no Principal
16/10/2006 Como cada curso escolar, o Departamento de Educación e Mocidade pon en marcha o programa de música para escolares de centros de ensino do concello de Santiago de Compostela. Este ano, ademais da oferta periódica de concertos didácticos da Banda Municipal de Música de Santiago e dos ciclos de concertos didácticos de música tradicional e de música clásica nos centros, ofértase "O Pequeno Wolfy", a cargo do cuarteto de corda Pizzicato. A cita é o martes 17, ás 10:30 horas, no Teatro Principal.
Co acompañamento musical en directo dun cuarteto de corda, a narradora irá introducindo aos nenos/as na vida do compositor Wolfgang Amadeus Mozart, sobre todo na súa infancia e na historia dunha das súas ópera máis famosas, "A frauta máxica". A narración estará ilustrada a través de imaxes que se proxectarán simultaneamente. Entregarase a cada mestre participante unha unidade didáctica con actividades de reforzo para traballar na aula os contidos tratados nesta proposta.