ALCALDÍA
Encontro do alcalde compostelán co presidente de RedEmprendia
27/10/2015 O alcalde, Martiño Noriega, recibiu hoxe o presidente de RedEmprendia, Senén Barro, e a xerente da Cidade da Cultura, Beatriz González Loroño. Foi un encontro no que se falou do evento SPIN 2016, unha cita sobre o emprendemento universitario no ámbito iberoamericano.
RedEmprendia é unha rede de Universidades que promove a innovación e o emprendemento responsables, dende o compromiso co crecemento económico, o respecto ao medio ambiente e a mellora da calidade de vida. Dela forman parte universidades de España, Portugal, Brasil, Arxentina, Chile, Colombia, México e Perú.