ACCIÓN CULTURAL
O programa "12 doces de outono" vaise desenvolver en oito centros socioculturais do ámbito urbano (As Fontiñas, Santa Marta, Vite, Conxo, Ensanche, Castiñeiriño, Amio e A Rocha) e en catro centros do rural (Marrozos, Lavacolla, Laraño e A Gracia). Cada centro acollerá un espectáculo escénico pensado para o público familiar e adaptado ás características dos centros socioculturais. Ao seu remate, os veciños e veciñas poderán desfrutar activamente da proposta, compartindo receitas e os doces máis típicos destas datas, feitos en obradoiros previos.
Os espectáculos de "12 doces de outono" correrán a cargo de A Tropa de Trapo, Migallas, Xarope Tulú, Elefante Elegante, Os Quinquilláns, Caramuxo Teatro, Anxo Moure, Marta Ortiz, Paula Carballeira, Boabab, Pablo Díaz e Paco Nogueiras. Os detalles da programación pódense consultar na web www.santiagosociocultural.org. A información tamén está dispoñible nun evento en Facebook.
A participación no programa é de balde, só condicionada á capacidade das salas dos centros socioculturais.
"12 doces de outono" é o broche de ouro á programación de outono nos centros socioculturais, que en outubro e novembro acollen numerosas iniciativas relacionadas coas tradicionais festas do Samaín e dos Magostos. De feito, o barrio de Conxo será escenario dunha festa das cabazas o 31 de outubro, e o barrio do Ensanche celebrará un magosto o 7 de novembro.
Os centros socioculturais vólcanse coa programación familiar nos domingos de novembro
22/10/2015 A concellería de Acción Cultural xunta teatro e gastronomía no programa "12 doces de outono".
A concellería de Acción Cultural, a través da rede de Centros Socioculturais, pón en marcha un novidoso programa que vai xuntar teatro e gastronomía, e que está dirixido ao público máis familiar.Trátase de "12 doces de outono", unha proposta que chegará a doce centros socioculturais de Compostela nos domingos de novembro.O programa "12 doces de outono" vaise desenvolver en oito centros socioculturais do ámbito urbano (As Fontiñas, Santa Marta, Vite, Conxo, Ensanche, Castiñeiriño, Amio e A Rocha) e en catro centros do rural (Marrozos, Lavacolla, Laraño e A Gracia). Cada centro acollerá un espectáculo escénico pensado para o público familiar e adaptado ás características dos centros socioculturais. Ao seu remate, os veciños e veciñas poderán desfrutar activamente da proposta, compartindo receitas e os doces máis típicos destas datas, feitos en obradoiros previos.
Os espectáculos de "12 doces de outono" correrán a cargo de A Tropa de Trapo, Migallas, Xarope Tulú, Elefante Elegante, Os Quinquilláns, Caramuxo Teatro, Anxo Moure, Marta Ortiz, Paula Carballeira, Boabab, Pablo Díaz e Paco Nogueiras. Os detalles da programación pódense consultar na web www.santiagosociocultural.org. A información tamén está dispoñible nun evento en Facebook.
A participación no programa é de balde, só condicionada á capacidade das salas dos centros socioculturais.
"12 doces de outono" é o broche de ouro á programación de outono nos centros socioculturais, que en outubro e novembro acollen numerosas iniciativas relacionadas coas tradicionais festas do Samaín e dos Magostos. De feito, o barrio de Conxo será escenario dunha festa das cabazas o 31 de outubro, e o barrio do Ensanche celebrará un magosto o 7 de novembro.