EDUCACIÓN
Os primeiros centros en participar son, ás 10 horas, o colexio San Xurxo, con 100 escolares de 3º a 6 de primaria e ás 12 horas, 52 escolares de 4º a 6º de primaria do Colexio Roxos Villestro. Así mesmo, o mércores 13 haberá outras dúas sesións: ás 10 horas no colexio Monte dos Postes, con 140 escolares de 3º a 6 de primaria e ás 12 horas, no Colexio Raíña Fabiola, con 66 escolares de 5º e 6º de primaria.
Os obxectivos principais deste programa son introducir aos participantes no coñecemento da nosa tradición musical, dun xeito lúdico e participativo e promover o uso educativo da música en relación co desenvolvemento sociocultural, politico e económico.
As clases, de 60 minutos, son impartidas por membros do grupo de música tradicional "Caldaloba", do grupo Lelilía, Felisa Segade durante os meses de abril e maio a alumnos de centros escolares de primaria e secundaria de Santiago de Compostela.
Consisten en sesións teóricas nos propios centros escolares durante as cales os músicos tratan contidos como os ritmos, a figura do gaiteiro, a figura da pandeireteira, os romances de cego, as cantareiras, o canto coral con gaita ou a construcción dos instrumentos de música tradicional, ademais de interpretar diferentes pezas musicais exemplificadoras destes contidos.
Volven os concertos didácticos de música tradicional aos centros escolares
11/04/2005 Esta proposta didáctica pretende achegar a música tradicional e a formación musical aos escolares de educación primaria e secundaria en horario lectivo. Arredor de 3.500 neste curso escolar.
O martes 12 de abril dará comezo o programa de concertos didácticos de música tradicional que o Departamento de Educación e Mocidade está a organizar nos propios centros escolares composteláns.Os primeiros centros en participar son, ás 10 horas, o colexio San Xurxo, con 100 escolares de 3º a 6 de primaria e ás 12 horas, 52 escolares de 4º a 6º de primaria do Colexio Roxos Villestro. Así mesmo, o mércores 13 haberá outras dúas sesións: ás 10 horas no colexio Monte dos Postes, con 140 escolares de 3º a 6 de primaria e ás 12 horas, no Colexio Raíña Fabiola, con 66 escolares de 5º e 6º de primaria.
Os obxectivos principais deste programa son introducir aos participantes no coñecemento da nosa tradición musical, dun xeito lúdico e participativo e promover o uso educativo da música en relación co desenvolvemento sociocultural, politico e económico.
As clases, de 60 minutos, son impartidas por membros do grupo de música tradicional "Caldaloba", do grupo Lelilía, Felisa Segade durante os meses de abril e maio a alumnos de centros escolares de primaria e secundaria de Santiago de Compostela.
Consisten en sesións teóricas nos propios centros escolares durante as cales os músicos tratan contidos como os ritmos, a figura do gaiteiro, a figura da pandeireteira, os romances de cego, as cantareiras, o canto coral con gaita ou a construcción dos instrumentos de música tradicional, ademais de interpretar diferentes pezas musicais exemplificadoras destes contidos.