SEGURIDADE E MOBILIDADE
No que respecta aos nenos menores de 12 anos (ou cuxa estatura non exceda de 1,35 centímetros), viaxaban facendo uso de sistemas de retención infantil o 100% dos controlados. O resultado global que se extrae desta campaña é positivo, xa que o 96,85% cumpría coa normativa.
A Policía Local quere concienciar da importancia dun uso adecuado do cinto, pois, ademais de complementar a eficacia do airbag, é imprescindible nos asentos traseiros. Nun impacto frontal, a probabilidade de que un ocupante dos asentos de atrás golpee mortalmente a outro pasaxeiro dos asentos de diante pode ser ata oito veces maior e protexe tanto de saír despedido do habitáculo como de impactar contra o parabrisas. Ademais, o cinto alcanza unha máxima efectividade nos envorcamentos, onde se reduce un 77% o risco de morte.
Tamén resulta fundamental o bo uso das cadeiras para os nenos, e a concienciación comeza dende que os usuarios son ben pequenos. Neste sentido, a Policía Local colaborou o pasado venres nunha unidade didáctica coa escola infantil Picariños, onde se dirixiu a nenos de 2 a 3 aniños co obxectivo de contarlles dunha forma adaptada ás súas idades a importancia da educación viaria. Os alumnos aprenderon, a través dun conto e de varias cancións, a importancia de viaxar nos coches coas súas cadeiras e de non sacar os cintos mentres os seus pais e nais conducen.
Dende a Policía tamén se quere poñer de manifesto que son os proxenitores e familiares os responsables directos da utilización tanto dos elementos de retención infantil coma do cinto de seguridade por parte dos menores.
Preto do 97% dos vehículos comprobados na campaña de control do uso do cinto de seguridade e dos sistemas de retención infantil cumpría coa normativa
16/03/2015 A Policía Local de Santiago finalizou o pasado domingo a campaña especial de control do uso do cinto de seguridade e dos sistemas de retención infantil, instrumentos que reducen á metade o risco de morte en caso de accidente.
Durante a pasada semana foron controlados 3.739 vehículos, e de entre os condutores, o 95,99% facían uso do cinto de seguridade. No caso dos ocupantes, a estatística pon de manifesto que nos asentos dianteiros usaban o cinto o 99,02% e nos asentos traseiros o 99,71%, sempre facendo referencia aos vehículos controlados.No que respecta aos nenos menores de 12 anos (ou cuxa estatura non exceda de 1,35 centímetros), viaxaban facendo uso de sistemas de retención infantil o 100% dos controlados. O resultado global que se extrae desta campaña é positivo, xa que o 96,85% cumpría coa normativa.
A Policía Local quere concienciar da importancia dun uso adecuado do cinto, pois, ademais de complementar a eficacia do airbag, é imprescindible nos asentos traseiros. Nun impacto frontal, a probabilidade de que un ocupante dos asentos de atrás golpee mortalmente a outro pasaxeiro dos asentos de diante pode ser ata oito veces maior e protexe tanto de saír despedido do habitáculo como de impactar contra o parabrisas. Ademais, o cinto alcanza unha máxima efectividade nos envorcamentos, onde se reduce un 77% o risco de morte.
Tamén resulta fundamental o bo uso das cadeiras para os nenos, e a concienciación comeza dende que os usuarios son ben pequenos. Neste sentido, a Policía Local colaborou o pasado venres nunha unidade didáctica coa escola infantil Picariños, onde se dirixiu a nenos de 2 a 3 aniños co obxectivo de contarlles dunha forma adaptada ás súas idades a importancia da educación viaria. Os alumnos aprenderon, a través dun conto e de varias cancións, a importancia de viaxar nos coches coas súas cadeiras e de non sacar os cintos mentres os seus pais e nais conducen.
Dende a Policía tamén se quere poñer de manifesto que son os proxenitores e familiares os responsables directos da utilización tanto dos elementos de retención infantil coma do cinto de seguridade por parte dos menores.