DESENVOLVEMENTO URBANO SOSTIBLE
O vehículo consta dunha plataforma móbil que se abre en dúas metades deixando un corredor central dende o que se accede aos colectores específicos para cada tipo de residuo. Neste vehículo haberá un operario para axudar a que todos os residuos se depositen no colector que lles corresponde.
Iniciouse na praza Roxa o percorrido do punto limpo móbil
14/03/2015 A Concellería de Desenvolvemento Urbano Sostible, a través da empresa Urbaser, concesionaria do servizo de recollida e do tratamento de residuos, pon en marcha un punto limpo móbil, co obxectivo de dar a coñecer e facilitar a xestión de residuos non voluminosos e a reciclaxe mediante a recollida selectiva. Este punto limpo móbil estará cada sábado nun punto da cidade ou do rural. A praza Roxa foi o punto de arranque deste vehículo.
O punto limpo móbil é un vehículo adaptado que percorrerá os diferentes barrios, cuns horarios e puntos prefixados, co fin de que a veciñanza poida depositar os pequenos residuos domésticos para os que non existen colectores na vía pública. Nun horario de 10:00 a 13:00 horas, o vehículo estará o primeiro sábado de cada mes nas Fontiñas, o segundo na praza Roxa e o terceiro en Virxe da Cerca. O cuarto sábado de cada mes, o punto limpo móbil estará no rural, nunha ubicación que será distinta cada cuarto sábado e que se anunciará a través da web de DUS.O vehículo consta dunha plataforma móbil que se abre en dúas metades deixando un corredor central dende o que se accede aos colectores específicos para cada tipo de residuo. Neste vehículo haberá un operario para axudar a que todos os residuos se depositen no colector que lles corresponde.