ALCALDÍA
A Real Sociedade Económica de Amigos do País da cidade de Santiago naceu alá polo 1784 co obxectivo de "mellorar a industria popular e os oficios, axudar ao seu ensino, divulgar os secretos das artes", entre outros. Ao longo de máis de dous séculos de actividade, xogou un importante papel na formación do tecido económico, social e cultural da cidade.
A Real Sociedade Económica de Amigos do País da cidade de Santiago expón no Concello os seus obxectivos de futuro
13/09/2006 A Real Sociedade Económica de Amigos do País de Santiago acudiu ao Concello para exporlle persoalmente ao alcalde compostelán, Xosé A. Sánchez Bugallo, os seus obxectivos e proxectos de futuro, establecidos durante a celebración da Asemblea Xeral de Socios, que tivo lugar o pasado 31 de xaneiro.
O presidente da sociedade, Juan Bautista de La Salle, notificoulle ao alcalde os nomes dos novos cargos directivos. El mesmo permanece ao fronte do sociedade, Francisco Loimil ocupará o cargo de vicepresidente, Fernando Barros será o secretario e Carlos Rodríguez, o tesoureiro-contador.A Real Sociedade Económica de Amigos do País da cidade de Santiago naceu alá polo 1784 co obxectivo de "mellorar a industria popular e os oficios, axudar ao seu ensino, divulgar os secretos das artes", entre outros. Ao longo de máis de dous séculos de actividade, xogou un importante papel na formación do tecido económico, social e cultural da cidade.