CULTURA
As súas historias e aventuras, propias doutros tempos, son postas en escena coa axuda do ilusionismo polo mago Teto, quen emprega neste espectáculo elementos típicos dos afiadores como poden ser coitelos, tesoiras, navallas, paraugas…
O Mago Teto presenta "O Afiador" dentro do ciclo Infantil & Familiar
16/01/2015 O Mago Teto ofrece este sábado 17 de xaneiro, no Teatro Principal, o seu novo espectáculo, O Afiador. Será ás 18:30 horas e enmarcado no ciclo Infantil & Familiar. As entradas, cun prezo 5 euros, poden mercarse no despacho de billetes do Teatro Principal, aberto de 18:00 a 21:00 horas ou en entradas.abanca.com e no 902 434 443. Ademais, existe tamén a posibilidade de mercar unha entrada familiar: catro entradas a 15 euros, o prezo de tres soltas.
O espectáculo de maxia O afiador xira en torno a unha roda de afiar dos anos 30 herdada polo mago Teto dos seus antepasados. Cun oficio que tivo o seu apoxeo nos séculos XVIII e XIX e practicamente extinguido no século XXI, os afiadores desprazábanse centos de quilómetros coa única compaña da súa roda.As súas historias e aventuras, propias doutros tempos, son postas en escena coa axuda do ilusionismo polo mago Teto, quen emprega neste espectáculo elementos típicos dos afiadores como poden ser coitelos, tesoiras, navallas, paraugas…