ECONOMÍA
Agosto é o sétimo mes consecutivo no que descende o paro en Santiago. Dende febreiro, o número de persoas paradas na cidade descendeu en 1.617 respecto das 9.331 que se marcaron en xaneiro deste ano. É o mellor dato acumulado entre febreiro e agosto dende polo menos o ano 2007. Por exemplo, no 2007, ano previo ao comezo da crise económica, o descenso acumulado nestes sete meses foi de 1.115. No Ano Santo 2010, malia ao impacto do Xacobeo, o descenso foi de apenas 673.
Os datos de agosto tamén permiten consolidar o descenso interanual no número de persoas rexistradas no paro na cidade. No mes de agosto deste ano houbo 7.714 persoas rexistradas no paro, 933 menos que as 8.647 de agosto do 2013, o que representa un descenso do 10,79% en termos interanuais. Pero o relevante é que os datos de agosto deste ano son tamén mellores que os de agosto do 2012 e tamén que os de agosto do 2011, cando houbo 7.727 persoas rexistradas no paro na cidade.
Os datos de agosto confirman a consolidación da tendencia positiva na evolución do paro na cidade, xa que dende hai un ano compróbase mes tras mes que hai bos datos respecto dos anos precedentes. Con todo, como se leva facendo dende que os datos comezaron a ser positivos hai un ano, dende o Concello de Santiago quere facerse unha lectura prudente dos resultados, posto que hai un número importante de composteláns que continúan pasando por situacións difíciles.
O paro descendeu en Santiago en agosto por sétimo mes consecutivo
03/09/2014 No pasado mes de agosto, o número de persoas rexistradas no paro en Santiago foi de 7.714, 87 menos que no mes anterior, converténdose no mellor mes de agosto dende o ano 2007. O mes de agosto é un mes no que tradicionalmente acostuma a subir o paro.
Entre os anos 2007 e 2011, o número de persoas rexistradas no paro en Santiago aumentou sempre nos meses de agosto. Por exemplo, no Ano Santo 2010 o numero de persoas rexistradas no paro en Santiago aumentou en 249. Non obstante, esta tendencia cambiou no ano 2012 e dende entón súmanse tres meses de agosto con descensos continuados neste mes.Agosto é o sétimo mes consecutivo no que descende o paro en Santiago. Dende febreiro, o número de persoas paradas na cidade descendeu en 1.617 respecto das 9.331 que se marcaron en xaneiro deste ano. É o mellor dato acumulado entre febreiro e agosto dende polo menos o ano 2007. Por exemplo, no 2007, ano previo ao comezo da crise económica, o descenso acumulado nestes sete meses foi de 1.115. No Ano Santo 2010, malia ao impacto do Xacobeo, o descenso foi de apenas 673.
Os datos de agosto tamén permiten consolidar o descenso interanual no número de persoas rexistradas no paro na cidade. No mes de agosto deste ano houbo 7.714 persoas rexistradas no paro, 933 menos que as 8.647 de agosto do 2013, o que representa un descenso do 10,79% en termos interanuais. Pero o relevante é que os datos de agosto deste ano son tamén mellores que os de agosto do 2012 e tamén que os de agosto do 2011, cando houbo 7.727 persoas rexistradas no paro na cidade.
Os datos de agosto confirman a consolidación da tendencia positiva na evolución do paro na cidade, xa que dende hai un ano compróbase mes tras mes que hai bos datos respecto dos anos precedentes. Con todo, como se leva facendo dende que os datos comezaron a ser positivos hai un ano, dende o Concello de Santiago quere facerse unha lectura prudente dos resultados, posto que hai un número importante de composteláns que continúan pasando por situacións difíciles.