TURISMO
A historia do Hotel Gastronómico Echaurren e a evolución que Francis Paniego propiciou ao negocio familiar nos últimos anos, apostando por unha oferta gastronómica diversificada na que se pode atopar tanto a cociña máis tradicional como a máis creativa, representa un exemplo para o sector turístico de Santiago, que conta con moitos negocios de carácter familiar nos que se combinan a oferta de hospedaxe e de restauración.
O programa de obradoiros para profesionais de Compostela Gastronómica contará con máis de dez mestres da cociña nun programa que se estrutura en torno a catro temáticas: Territorio e produto, Da tradición á modernidade, Tendencia e evolución e Imaxinación ao poder. O obxectivo do programa de obradoiros profesionais é que os contidos se adapten as características concretas do sector en Santiago. Non se trata de facer un listado de conferencias repetitivas, senón de que os asistentes podan ver nos mestres cociñeiros exemplos concretos para os seus negocios.
Os horarios dos obradoiros adaptaranse ás necesidades dos profesionais do sector. As prazas estarán limitadas para que os Obradoiros sexan o máis dinámicos e participativos posible. O período de inscrición abrirase a comezos de setembro. A información sobre Compostela Gastronómica pode seguirse nas súas contas de Twitter e de Facebook.
Compostela Gastronómica, Festival da Cociña Galega, é un evento organizado por Turismo de Santiago que conta coa colaboración da Xunta de Galicia, a través da Axencia de Turismo de Galicia. Compostela Gastronómica aspira a ser un evento gastronómico propio cunha sinal de identidade diferenciada: o produto galego que se pode atopar no Mercado de Abastos de Santiago.
Francis Paniego, cociñeiro con dúas estrelas Michelin, participará nos obradoiros profesionais de Compostela Gastronómica
20/08/2014 A primeira edición de Compostela Gastronómica, que se celebrará entre o 19 e o 28 de setembro, contará entre os seus participantes con Francis Paniego, un dos cociñeiros máis recoñecidos de España, responsable do Hotel Gastronómico Echaurren, galardoado con dúas estrelas Michelin e Premio Nacional de Gastronomía. A súa presenza enmárcase nos obradoiros profesionais pensados para que os cociñeiros locais podan compartir ideas con reputados cociñeiros tanto galegos como españois.
O Hotel Gastronómico Echaurren é un establecemento familiar con máis dun século de historia. Francis Paniego representa a quinta xeración dun negocio que dende a súa apertura en 1898 soubo adaptarse aos tempos, ás circunstancias e aos gustos cambiantes dos clientes. O Hotel Gastronómico Echaurren conta hoxe cunha ampla oferta tanto de hospedaxe como de restauración: un restaurante de cociña creativa, que foi o primeiro da Rioxa en conseguir dúas estrelas Michelin, un restaurante de cociña tradicional, un gastrobar de tapas e mesmo un restaurante de pasta e arroces.A historia do Hotel Gastronómico Echaurren e a evolución que Francis Paniego propiciou ao negocio familiar nos últimos anos, apostando por unha oferta gastronómica diversificada na que se pode atopar tanto a cociña máis tradicional como a máis creativa, representa un exemplo para o sector turístico de Santiago, que conta con moitos negocios de carácter familiar nos que se combinan a oferta de hospedaxe e de restauración.
O programa de obradoiros para profesionais de Compostela Gastronómica contará con máis de dez mestres da cociña nun programa que se estrutura en torno a catro temáticas: Territorio e produto, Da tradición á modernidade, Tendencia e evolución e Imaxinación ao poder. O obxectivo do programa de obradoiros profesionais é que os contidos se adapten as características concretas do sector en Santiago. Non se trata de facer un listado de conferencias repetitivas, senón de que os asistentes podan ver nos mestres cociñeiros exemplos concretos para os seus negocios.
Os horarios dos obradoiros adaptaranse ás necesidades dos profesionais do sector. As prazas estarán limitadas para que os Obradoiros sexan o máis dinámicos e participativos posible. O período de inscrición abrirase a comezos de setembro. A información sobre Compostela Gastronómica pode seguirse nas súas contas de Twitter e de Facebook.
Compostela Gastronómica, Festival da Cociña Galega, é un evento organizado por Turismo de Santiago que conta coa colaboración da Xunta de Galicia, a través da Axencia de Turismo de Galicia. Compostela Gastronómica aspira a ser un evento gastronómico propio cunha sinal de identidade diferenciada: o produto galego que se pode atopar no Mercado de Abastos de Santiago.