DEPORTES
A pista polideportiva de Alexandre Bóveda, no parque de Xixón, tamén foi obxecto dunha intervención para remodelar completamente a superficie de xogo, pulíndoa e pintándoa.
Remodeladas as superficies de xogo das pistas polideportivas de Alexandre Bóveda e Fermín Bouza Brey
02/07/2014 Dentro do Plan de mantemento de instalacións deportivas ao aire libre, o Concello vén de executar obras nas pistas polideportivas de Alexandre Bóveda e Fermín Bouza Brey. O alcalde compostelán, Ángel Currás, e a concelleira Reyes Leis, acompañados por técnicos municipais, visitaron as dúas instalacións para inspeccionar os traballos realizados
No caso do parque de Fermín Bouza Brey, no barrio de Vite, a actuación máis importante foi a mellora da superficie de xogo, que incluíu a limpeza, pulido e nivelado da pista, ademais do pintado das liñas. Tamén se colocaron porterías antivandálicas e un peche con malla para evitar a perda de balóns.A pista polideportiva de Alexandre Bóveda, no parque de Xixón, tamén foi obxecto dunha intervención para remodelar completamente a superficie de xogo, pulíndoa e pintándoa.