CULTURA
Grupos de toda Galicia, amosarán a súa arte, nun intento de empregar a música "como carta de presentación" para todos os que nos visitan. Turistas e veciños vivirán un evento que presta especial atención aos grupos do mesmo Santiago, como Cantigas e Agarimos, Brincadeira, Os Republicanos, Laghareu, Rebolo, A Gracia ou Colexiata de Sar.
Música tradicional no casco histórico para as noites de agosto
03/08/2006 As rúas e prazas da zona histórica encheranse dos ritmos tradicionais galegos do 7 ao 31 de agosto. Un total de 20 actuacións compoñen o programa da terceira edición de Música na Rúa, unha invitación a gozar das noites do verán en Compostela.
"Este e outros eventos cobren o tradicional baleiro que anos atrás había en canto á actividade en agosto para os composteláns e, ao mesmo tempo, é un atractivo máis para os visitantes", apunta o concelleiro de Cultura, Néstor Rego, que presentou o programa na compaña duns dos coordinadores do mesmo e membro de Xalundes, Marcos Varela. Despois das experiencias coa música antiga e coa música dos instrumentos de vento nas dúas primeiras edicións, agora tócalle a vez ás distintas tendencias dentro da música galega de raíz.Grupos de toda Galicia, amosarán a súa arte, nun intento de empregar a música "como carta de presentación" para todos os que nos visitan. Turistas e veciños vivirán un evento que presta especial atención aos grupos do mesmo Santiago, como Cantigas e Agarimos, Brincadeira, Os Republicanos, Laghareu, Rebolo, A Gracia ou Colexiata de Sar.