NORMALIZACIÓN LINGÜÍSTICA
En cada unha das sesións vanse traballando os elementos estruturais dun conto para ir construíndo unha historia colectiva que se aproveita para poñer en valor o patrimonio natural e cultural da contorna e, especialmente, o uso da lingua galega. Cada xornada ten independencia en si mesma e nela os participantes, ademais de elaborar un anaco da historia, traballan tamén na súa ilustración para, ao final, ter un conto e un vídeo-conto que se vai publicar en dixital e en papel.
De todas as sesións vaise dando conta no blog do proxecto, onde se pode atopar tamén o traballo finalizado do curso pasado, así como recursos didácticos que se van propoñendo para que tanto as escolas como as familias poidan tirar rendemento didáctico á actividade:
www.contoviaxeiro.santiagodecompostela.gal
O inicio do conto situou como protagonista un ourive compostelán con atributos ben curiosos: anda en patinete polas rúas da cidade e gusta de cociñar.
Os nenos do Apóstolo Santiago inician a aventura do Conto viaxeiro, protagonizada por un ourive compostelán
28/03/2014 Esta semana comezou a andaina do Conto viaxeiro, unha actividade organizada pola Concellería de Normalización Lingüística e dirixida a nenos e nenas de 1º e 2º ciclo de educación primaria.
A primeira das 16 sesións que van ter lugar realizouse no Apóstolo Santiago este pasado luns e a segunda, o martes no CEIP Raíña Fabiola. As sesións continuaron no CEIP Mestre Rodríguez Xixirei da Sabugueira o mércores e no CEIP de Roxos o xoves, para volver ao Apóstolo Santiago o venres. O calendario vai continuar durante as próximas semanas polos 8 centros que solicitaron esta actividade.En cada unha das sesións vanse traballando os elementos estruturais dun conto para ir construíndo unha historia colectiva que se aproveita para poñer en valor o patrimonio natural e cultural da contorna e, especialmente, o uso da lingua galega. Cada xornada ten independencia en si mesma e nela os participantes, ademais de elaborar un anaco da historia, traballan tamén na súa ilustración para, ao final, ter un conto e un vídeo-conto que se vai publicar en dixital e en papel.
De todas as sesións vaise dando conta no blog do proxecto, onde se pode atopar tamén o traballo finalizado do curso pasado, así como recursos didácticos que se van propoñendo para que tanto as escolas como as familias poidan tirar rendemento didáctico á actividade:
www.contoviaxeiro.santiagodecompostela.gal
O inicio do conto situou como protagonista un ourive compostelán con atributos ben curiosos: anda en patinete polas rúas da cidade e gusta de cociñar.