CULTURA
Ton Risco Quinteto en concerto dentro dos ciclos Sons’13 Jazz e Cineuropa Concerto
12/11/2013 O ciclo Sons ’13 ofrece este mércores 13 un novo concerto na Zona C dentro da súa sección Sons’13 Jazz. Será con Ton Risco Quinteto, que presenta o seu novo disco, Impronunciable. O concerto está enmarcado tamén no programa Cineuropa Concerto. As entradas para o mesmo poden mercarse na billeteira do teatro principal no seu horario habitual e na Zona C o mesmo día do concerto. Os prezos son de 5 euros anticipada; 6 o día do concerto e un prezo especial de 10 euros por entrada+CD.
Formado entre Galicia, Holanda e Nova Iorque, o percusionista Ton Risco (Ourense, 1979) propón un achegamento ás raíces do hard bop empregando como medio de expresividade o doce carácter e a personalidade melódica do vibráfono. Na voz deste instrumento infrecuente, Risco lidera un quinteto de composicións propias onde as melodías conviven con arranxos, tamén persoais, de outros estándares de jazz.