ALCALDÍA
Doce ciclistas ecuatorianos chegan a Compostela tras realizar o Camiño
04/10/2013 O alcalde compostelán, Ángel Currás, recibiu os integrantes do club Ciclistas sin Fronteras, de Santiago de Guayaquil (Ecuador). Os doce ciclistas chegaron á cidade tras realizar o Camiño dende Roncesvalles.
Acompañou aos ciclistas a embaixadora de Ecuador en España, Aminta Buenaño Rugel, e o cónsul para Galicia, Adriano Marqués de Magallaes, que destacaron o obxectivo de fraternidade entre España e Ecuador desta expedición. Os ciclistas iniciaran a súa peregrinación o 24 de setembro.