CULTURA
A compra de novos abonos poderase facer no despacho de billetes do propio Auditorio de Galicia, entre o 16 e o 25 de setembro, en horario de 11:00 a 14:00 horas de luns a venres.
Ábrese o prazo de inscrición de novos abonados ao Programa da Real Filharmonía e do Auditorio de Galicia
11/09/2013 Unha vez rematado o prazo para a renovación de abonos, o Auditorio de Galicia e a Real Filharmonía de Galicia abren agora un prazo para todos aqueles interesados en abonarse por primeira vez ao seu Programa. Poderán facelo dende o 16 ata o 25 de setembro e aqueles que o fagan nos dous primeiros días levarán de forma gratuíta a entrada para o concerto inaugural da temporada, o día 17, xa que a entrada a ese concerto, que ten un custo de 10 euros, é de agasallo para os abonados.
Como en anteriores edicións, establécense catro modalidades de abono: un abono completo, por 271,50 euros, e tres abonos trimestrais, con prezos que oscilan entre 84 e os 127 euros. Xunto a eles, o Auditorio de Galicia oferta abonos especiais para estudantes e xubilados (cun 50% de desconto) e abonos colectivos, para asociacións culturais e veciñais. Os abonos colectivos non se poñen a venda neste prazo para novos abonados, porque os que existían foron renovados na súa totalidade, polo que non quedou ningún libre.A compra de novos abonos poderase facer no despacho de billetes do propio Auditorio de Galicia, entre o 16 e o 25 de setembro, en horario de 11:00 a 14:00 horas de luns a venres.