FESTAS
O mércores 24 será o día dos tradicionais Fogos do Apóstolo, que un ano máis prometen espectacularidade e unha xornada repleta de composteláns e visitantes nas rúas do Casco Vello. A música desta noite porana La Banda del Camión e Riff Raff na praza da Quintana. A Ofrenda ao Apóstolo abrirá a xornada grande das festas, o xoves 25, que pechará a actuación na Quintana de Os Resentidos.
Os concertos de Emerxentes en Praterías e no Toural e a Xornada de Folclore serán dous dúas das actividades protagonistas do venres 26, mentres que para o sábado 27 queda o XXXV Día do Traxe Galego. Á vista do éxito de 2012, a Real Filharmonía de Galicia repetirá actuación na Quintana, desta vez o domingo 28.
Os tres últimos días das festas estarán marcados por tres concertos na praza da Quintana: Soraya (luns 29), Raphael (martes 30) e Primal Scream (mércores 31). Estes dous últimos espectáculos son os únicos que non son de balde do programa.
A todas estas actividades hai que sumar citas tradicionais que tampouco faltarán este ano, como as orquestras na Alameda, os pasarrúas e as charangas, o encontro de xigantes e cabezudos, o campionato de chave, o concurso de traxes de época e coches antigos ou os fogos artificiais de fin de festa, entre outras. Ademais, haberá teatro de rúa e infantil, xogos tradicionais e maxia. E como sempre, as atraccións feirais estarán instaladas na Alameda.
As Festas do Apóstolo traen dez intensos días de actividades para todos os públicos
16/07/2013 O concelleiro de Festas, Francisco Noya, presentou o programa das Festas do Apóstolo 2013, que se celebrarán do 22 ao 31 de xullo. Artistas como Raphael ou Primal Scream destacan nun programa caracterizado por catro eixes: a intensa actividade durante dez días, a variedade de propostas, a gratuidade da maioría de espectáculos e a aposta polos artistas galegos, segundo destacou o edil.
As Festas do Apóstolo, que este ano presentan tamén nova imaxe gráfica, arrincarán o luns 22 de xullo co pregón a cargo de Roberto Vilar e un concerto no Obradoiro, en colaboración coa cadea 40 Principales, no que participarán artistas como Edurne, Angy, Xuso Jones, Marien Baker ou Yanela Brooks. Para o martes 23 programouse o II Certame Folc, en colaboración con La Voz de Galicia, no que actuarán Tanto Nostén, Os D’abaixo e Berrogüetto na praza da Quintana.O mércores 24 será o día dos tradicionais Fogos do Apóstolo, que un ano máis prometen espectacularidade e unha xornada repleta de composteláns e visitantes nas rúas do Casco Vello. A música desta noite porana La Banda del Camión e Riff Raff na praza da Quintana. A Ofrenda ao Apóstolo abrirá a xornada grande das festas, o xoves 25, que pechará a actuación na Quintana de Os Resentidos.
Os concertos de Emerxentes en Praterías e no Toural e a Xornada de Folclore serán dous dúas das actividades protagonistas do venres 26, mentres que para o sábado 27 queda o XXXV Día do Traxe Galego. Á vista do éxito de 2012, a Real Filharmonía de Galicia repetirá actuación na Quintana, desta vez o domingo 28.
Os tres últimos días das festas estarán marcados por tres concertos na praza da Quintana: Soraya (luns 29), Raphael (martes 30) e Primal Scream (mércores 31). Estes dous últimos espectáculos son os únicos que non son de balde do programa.
A todas estas actividades hai que sumar citas tradicionais que tampouco faltarán este ano, como as orquestras na Alameda, os pasarrúas e as charangas, o encontro de xigantes e cabezudos, o campionato de chave, o concurso de traxes de época e coches antigos ou os fogos artificiais de fin de festa, entre outras. Ademais, haberá teatro de rúa e infantil, xogos tradicionais e maxia. E como sempre, as atraccións feirais estarán instaladas na Alameda.