Agenda

O Concello de Santiago colabora coa Universidade compostelá na organización do seminario de "Intervención con familias que sofren violencia doméstica", que se celebra en Santiago de Compostela o 28 e 29 de abril.

O Concello de Santiago colabora coa Facultade de Psicoloxía da Universidade compostelá na organización do seminario de Intervención con familias que sofren violencia doméstica destinado ao persoal técnico da administración local, que se celebra na Facultade de Psicoloxía da Santiago de Compostela (Campus Universitario Sur) o 28 e 29 de abril.

Este seminario enmárcase dentro das actividades de formación da Unidade de Psicoloxía Forense no ámbito da intervención familiar. Nel trátanse aspectos legais e psicosociais do maltrato intrafamiliar abordados desde a nova Lei Orgánica 1/2004, do 28 de decembro, de Medidas de Protección Integral contra a Violencia de Xénero.

O xoves 28 de abril pola mañá (de 10:00 a 14:30 horas) faise unha análise da Lei Orgánica 1/2004 de Medidas de Protección Integral contra a Violencia de Xénero e pola tarde (de 17:00 a 20:00 horas) analízase a responsabilidade do persoal técnico nos informes ante a Administración de Xustiza.

O venres 29 de abril, analízanse as consecuencias do maltrato de xénero e as repercusións da separación conyugal na familia, entre outros temas.

Pódese obter máis información na Unidade de Psicología Forense. Tel.: 981 56 31 00. Extensión 13871 ou a través do e-mail: uforense@usc.es

Portugal & cia - Ciclo de novas expresións artísticas portuguesas

Na Sala Nasa, os días 28, 29 e 30 de abril.

Falar crú, ser crú, amar crú e morrer crú. Amor Crú é unha historia crú, un instre crú, un soño de corpos crús que viven a súa catástrofe na súa propia pregunta. Reproducir a cuestión da fugacidade da vida, da transitoriedade, o tráxico está na percepción da realidade.

A nosa historia crúa é un xogo dos sentidos, un mundo onde as accións e reaccións non están filtradas. Amor Crú desbrozase no feminino e no masculino, fala da nosa putrefacción mais profunda e da nosa beleza, para confundilas, temos a prescripción, a data de caducidade tatuada en corpos. Amor Crú é un discurso sobre unha sociedade urbana, sobre a velocidade, a manipulación do lugar onde todo pode virarse e revolverse contra ti. Falar de amor, de crueza e da invención de memorias. Está é unha "historia para queimar preguntas".

Dentro de "Portugal & cia" (Ciclo de novas expresións artísticas portuguesas). Organizado pola Concellaría de Cultura e Sala Nasa.

A compañía lisboeta Útero Teatro pon en escea "Amor crú", de Susana Vidal e Eric Costa. Con Carla Ribeiro, Sara de Castro e Susana Vidal.

Falar crú, ser crú, amar crú e morrer crú. Amor Crú é unha historia crú, un intre crú, un soño de corpos crus que viven a súa catástrofe na súa propia pregunta. Reproducir a cuestión da fugacidade da vida, da transitoriedade, o tráxico está na percepción da realidade. A nosa historia crú é un xogo dos sentidos, un mundo onde as accións e reaccións non están filtradas. Amor Crú desbrozase no feminino e no masculino, fala da nosa putrefacción mais profunda e da nosa beleza, para confundilas, temos a prescripción, a data de caducidade tatuada en corpos. Amor Crú é un discurso sobre unha sociedade urbana, sobre a velocidade, a manipulación do lugar onde todo pode virarse e revolverse contra ti. Falar de amor, de crueza e da invención de memorias. Está é unha "historia para queimar preguntas".

Os días 29 e 30 no Teatro Galán

Babel son Jesús Pimentel (direc. e guitarra flamenca), Arturo Ruade (voz, e guitarra acústica), Lucía Martínez (percusión) e Marcos Campos (gaitas e frautas).

Organizado pola asociación compostelá "Proyecto-13" en colaboración coas concellarías de Educación e Cultura do Concello de Santiago.

O xogo desenvolverase desde as 11 da noite ás 4 da madrugada polas rúas e prazas da zona vella e en diversos lugares reservados especialmente para a ocasión como a Sala Capitol, o Teatro Principal ou o Parque de Bonaval. Os participantes, buscarán durante as 5 horas que dura a partida resolver un misterio que se atopa oculto baixo 9 das mais emblemáticas portas de Compostela.

Para participar no xogo é necesario ser maior de idade, formar un equipo de 3 a 5 persoas, vir caracterizado de vampiro e inscribirse do 6 o 23 de abril en diversas librarías especializadas de Santiago, Coruña, Vigo, Ourense ou Pontevedra. Poderán participar un máximo de 500 xogadores. O prezo da inscrición é de 8 euros. Os interesados poden atopar máis información na páxina webdos organizadores.