Agenda

"Luis Seoane da costa de Circe á costa da Morte" é o título da exposición que acolle o Auditorio de Galicia, con óleos da colección Alcalde Varela. A mostra está comisariada por Rosa Espiñeira Pan e producida pola Concellaría de Cultura.

Do 27 de febreiro ao 29 de abril, no Auditorio de Galicia.

Horario: todos os días de 10:00 a 14:00 h e de 16:00 a 20:00 h, excepto os días de concerto, que pecha ás 19:00 h.

Continúan os concertos didácticos con esta proposta da Real Filharmonía de Galicia, baseada en xenios precoces da música, cun programa que inclúe a célebre "Serenata Nocturna" de Mozart, composta en 1776 para quinteto de corda. Dos cinco movementos orixinais, hoxe mantéñense catro. A "Simple Simphony", de Britten, tamén para corda, foi composta no 1934. Está baseada en oito temas que Britten escribiu de cativo. E por último, a "St. Paul Suite Op. 29" foi a primeira composición de Gustav Holst, escrita para a orquestra da escola.

O martes 20 e o mércores 21 de marzo, ás 10:00 e 12:00 horas, no Auditorio de Galicia.

Oportunidade para contemplar en varios espazos da cidade a exposición "O debuxo por diante". Esta mostra pretende por en valor esta manifestación artística, presentándoa coma unha ferramenta indispensable para coñecer a arte contemporánea de todos os tempos.

Do 13 de marzo ao 29 de marzo no Auditorio de Galicia, na Fundación Granell, no CGAC, no Espazo C e na Igrexa da Universidade.

A mostra achegará aos visitantes as obras de máis dun cento de artistas e escritores galegos para expresar o compromiso do mundo da cultura galega coa conservación do noso patrimonio natural. "Art Natura".

Ata o 16 de abril, de 18:00 a 21:00 horas, no Instituto Rosalía de Castro.

As corais de Santiago percorren coas súas actuacións os centros socioculturais.

Todas as actuacións son ás 20:00 horas, agás nos CSC das Fontiñas e no CSC Aurelio Aguirre de Conxo, que son ás 19:30 horas.

• Programación

As Concellarías de Cultura e Educación e Mocidade poñen en marcha un proxecto para que os novos intérpretes composteláns se dean a coñecer no mundo musical da cidade apoiados por artistas xa máis recoñecidos. O ciclo "Revelando voces" acollerá no mes de marzo os concertos de sete artistas que mostrarán ao público o seu traballo dos últimos anos.

Ao longo do mes de marzo, ás 20:30 horas, no Centro Sociocultural e Xuvenil do Ensanche.

• Programa

A Sala Nasa acolle a oitava edición do proxecto "Zona Alternativa". Danza, teatro, música e outras expresións artísticas.

Durante o mes de marzo, na Sala Nasa.

A Asociación de Veciños O Castiñeiro e a AC Xurásica botan a andar a Aula de Teatro do Castiñeiriño. O barrio contará cunha actividade máis para a súa oferta de lecer, unhas clases impartidas pola actriz Ursia Gago e o seu equipo.

Do 10 de outubro de 2006 ao 30 de xuño de 2007, de 20:30 a 22:30 horas, no Castiñeiriño.