Jueves 1 de octubre 2009

Axenda

A mostra "Latexos dun mundo convulso", no Auditorio

O Auditorio de Galicia presenta unha colección de fotografías, comisariada por Sandra Balsells. Nela, dez artistas pretenden retratar os escenarios conflictivos do mundo, desde a Revolución dos Cravos ata a Guerra de Irak.

Sandra Balsells, Javier Bauluz, Clemente Bernad, Paco Elvira, Cristina García Rodero, Santiago Lyon, Kim Manresa, Enric Martí, Fernando Moleres e Gervasio Sánchez son os autores das imaxes desta mostra, titulada Latexos dun mundo convulso, que ofrece unha ollada comprometida sobre a realidade.

Do 17 de setembro ao 2 de novembro, no Auditorio de Galicia.

Axenda

"Cinema in/out", fotogramas do cine español na Zona C

Dentro da programación do festival Curtocircuíto deste ano inclúese esta mostra fotografías que retratan a cinematografía española. Imaxes de nove fotógrafos de rodaxe que ensinarán o que se esconde tras as cámaras.

Instantes roubados de Ágora, Los Abrazos Rotos ou El orfanato entre outras producións estarán expostas na Zona para regalar os ollos alleos unha mirada dende o interior, e mostrar a ilusión cinematográfica.

Ata o 25 de outubro, na Zona C.

Axenda

A compañía portuguesa Clara Andermatt representa "Silencio" no ciclo SCQ Danza

Cunha presenza asidua no universo da danza contemporánea portuguesa, o traballo de Clara Andermatt ten revelado ao longo dos anos unha marcada pluridisciplinaridade, radicada na convición propia da coreógrafa de que o cruzamento de diferentes linguaxes, metodoloxias e técnicas enriquece o universo da creación contemporánea en xeral e a sua linguaxe coreográfica en particular. Agora trae a Santiago o seu espectáculo Silencio

O xoves 1 de outubro, ás 21:00 horas, no Teatro Principal.

Compartir: