Agenda

O Auditorio de Galicia presenta unha colección de fotografías, comisariada por Sandra Balsells. Nela, dez artistas pretenden retratar os escenarios conflictivos do mundo, desde a Revolución dos Cravos ata a Guerra de Irak.

Sandra Balsells, Javier Bauluz, Clemente Bernad, Paco Elvira, Cristina García Rodero, Santiago Lyon, Kim Manresa, Enric Martí, Fernando Moleres e Gervasio Sánchez son os autores das imaxes desta mostra, titulada Latexos dun mundo convulso, que ofrece unha ollada comprometida sobre a realidade.

Do 17 de setembro ao 2 de novembro, no Auditorio de Galicia.

Compostela Conta é un programa educativo de nova creación, dirixido a todas as idades, coa finalidade de ensinar dun modo lúdico, didáctico e divertido o coñecemento histórico e arqueolóxico sobre un sector da Cidade Histórica.

Executarase a través de dúas actividades:

- Un Gran Xogo: consistirá na realización, por grupos, de probas de habilidade, coñecemento, destreza, interpretación, investigación dun xeito dinámico e lúdico, introducindo aos participantes en diferentes momentos históricos a través de personaxes.

- A Visita Guiada, a través dunha dramatización, consistente nun itinerario polo sector guiado por personaxes da historia, facendo unha viaxe no tempo e no espazo.

Esta actividade está dirixida a toda a poboación de Santiago, organizando grupos cun mínimo de 12 participantes e un máximo de 25 persoas.

Compostela Conta realizarase no sector comprendido entre a igrexa de San Fiz, a praza da Oliveira e o Preguntoiro.

O Xogo será ás 17:00 horas e a representación na rúa ás 18:00 horas. En caso de choiva, a actividade celebrarase no pavillón das flores da praza de Abastos.

As actividades realizaranse do 10 de novembro ao 5 de decembro, de martes a sábado, alternativamente.

A inscrición é de balde. Pode realizarse no centro sociocultural máis próximo, a través do fax (981 542 438) ou do correo electrónico (ccidadehistorica@santiagodecompostela.gal), indicando nome completo, DNI, idade, dirección e número de teléfono de contacto.

• Dossier informativo da actividade

Willy Fog, o musical chega a Compostela. A entrada pódese mercar de xeito anticipado en Caixa Galicia (902 43 44 43; www.caixagalicia.es) a un prezo de 14 €. Os posuidores da tarxeta NetClub Caixa Galicia terán un 25% de desconto.

O espectáculo, promovido polo Multiusos Fontes do Sar, xa foi visto en toda España por máis de 80.000 espectadores, que non se quixeron perder este evento dirixido a toda a familia e creado por Claudio Biern Boyd, autor de grandes éxitos da animación como David, el Gnomo, D’Artacan e os tres mosqueperros ou A volta ao mundo de Willy Fog. A obra ten voces en vivo e en directo e pon en escena unha fantástica aventura chea de bo humor, imaxinación, cancións e excelentes coreografías.

O sábado 14 de novembro, ás 18:30 horas, no Auditorio de Galicia.

Dentro da Programación Sociocultural Asómate, Títeres Cachirulo representa Contos de libros contentos.

O sábado 14 de novembro, ás 18:30 horas, no Local Sociocultural de Marrozos.

Baixo o nome de Microvoyages, a novísima Esther Ruíz de Pablos presenta este proxecto expositivo no que domina o espírito audiovisual.

A mostra é o resultado do traballo do Máster en Arte, Museoloxía e Crítica Contemporánea da Universidade de Santiago de Compostela e está comisariado por Antonio Díaz Correa.

Do 5 de novembro ao 31 de xaneiro na Zona C.