Agenda

A exposición Unidos pola arte. Colección de pintura do Concello de Santiago de Compostela e do Consorcio de Santiago expón por primeira vez conxuntamente ao público unha ampla selección de obras que forman parte das coleccións de pintura do Concello de Santiago e do Consorcio da Cidade de Santiago de Compostela. Parte deste patrimonio atópase depositado no Auditorio de Galicia, cuxa sala acolle esta proposta, que está comisariada por Juan Conde Roa

A mostra pode visitarse en horario de 10:00 a 14:00 e de 16:00 a 19:00 horas todos os días. Entrada gratuíta.

Máis información: Compostela Capital Cultural

A mostra A Real Sociedade Económica de Amigos do País de Santiago de Compostela e a Exposición de 1858 quere lembrar a importancia da Sociedade Económica de Santiago na dinamización e modernización da cidade e da comarca, en especial no século XIX, con iniciativas que fomentaron a e reactivaron sectores primordiais como a agricultura, a gandería, a industria, a pesca, a administración e a cultura.

Na Casa do Cabido (praza de Praterías).
De martes a sábados: 10:00 a 14:00 / 16:00 a 20:00 h (Verán: 17:00 a 21:00 h). Domingos, de 11:00 a 14:00. Luns pechado.
Entrada libre.

Ocean Colour Scene veñen de xira a presentarnos o seu novo disco, Painting. Trátase do primeiro traballo que os de Birmingham van publicar dende Saturday, obra elástica e amiga de escoitas repetidas coa que fai un par de anos culminaron brillantemente unha década que os mantivo moi ocupados (dende 2001 e ata 2010 sacaron cinco discos de estudo e tres directos), embarcados nesa misión na que levan dende finais dos 80. Concerto incluído no ciclo Compostela Rock.

O sábado 20 de abril, ás 20:00 horas, na Sala Capitol.

Máis información: Compostela Capital Cultural