Fiestas del Apóstol 2015

A primeira xornada dominical das festas do Apóstolo 2015 estará protagonizada pola Festa do Escalo en Chaián, na que se celebrará o XLI Concurso de Ciprínidos, unha tradición xa arraigada nestas datas. Ademais, teremos concerto da Banda Municipal de Música acompañada do Coro Liceo de Vilagarcía e, dentro do Artellando, sesión vermú con Murga Chef Herrera y sus muchachos, un concerto performance con Viriscrón e a actuación de Fado Violado.

Verónica Boquete foi a encargada do pregón co que se iniciaron as festas do Apóstolo. A futbolista compostelá indicou que "sensación de ledicia" por ser a pregoeira era " impagable" e agradeceu a confianza por ter sido elixida para este cometido. "Estar aquí impresiona, e claro que é pola Catedral, pero tamén por todos vós", díxolles aos presentes na praza do Obradoiro.

Tras o pregón da compostelá Vero Boquete na noite do venres, o sábado metémonos xa de cheo nas festas do Apóstolo cun programa cargado de actividades variadas. Ás 17:00 h comeza o Torneo de Chave na Alameda e celebraremos a Xornada de Folclore Galego a partir das 21:00 h na praza da Quintana. Ademais, durante todo o día desenvólvese o programa Artellando: dende as 12:30 h da mañá teremos Artellando nos barrios; a partir das 21:30 h artellaremos nos Currunchos e pechamos a xornada ás 23.00h con...

A Banda Municipal de Música de Santiago inaugura o seu ciclo especial de concertos dentro das festas do Apóstolo este domingo 19, ás 22:00 horas, acompañada do Coro Liceo de Vilagarcía.

O alcalde de Santiago, Martiño Noriega, e o director de Estratexia e Desenvolvemento de Negocio Acciona Producciones y Diseño, Javier Sánchez, presentaron os Fogos do Apóstolo. Nesta edición, as proxeccións repartiranse entre a Catedral e o Pazo de Raxoi, combinadas coa música e a pirotecnia para crear un espectáculo envolvente.

As festas do Apóstolo arrancarán mañá venres co pregón desnde os balcóns do pazo de Raxoi a cargo da futbolista santiaguesa Verónica Boquete. Considerada unha das mellores xogadoras do fútbol do mundo, Boquete dará o pistoletazo de saída a 15 días de actividades, todas de balde, que compoñen un programa marcado por tres eixes: a diversidade, a descentralización e a apertura.

O domingo 26 de xullo e dentro da programación das festas do Apóstolo, celébrase a XXXVI edición do Certame do Traxe Galego. Ata as 14:00 horas do 24 de xullo estará aberto o prazo de inscrición para participar neste evento, que premiará os mellores traxes.

O parque compostelán de Bonaval acollerá o xoves da próxima semana, 23 de xullo, unha xornada moi especial dedicada ás nenas e aos nenos. Trátase da I edición da Romaría Cativa, un festival infantil enmarcado dentro da programación Artellando, das Festas do Apóstolo 2015, e que incluirá os concertos de Mamá Cabra e María Fumaça, o circo da Compañía Duelirium, a danza da Compañía Transpediante, obradoiros de percusión a cargo de Trópico de Grelos,...

A cantante compostelá Alba María protagonizará o concerto nocturno de arrinque da programación Artellando, enmarcada dentro das Festas do Apóstolo 2015. Será este sábado 18 de xullo, ás 23:00 horas, na praza do Toural.

A concelleira de Acción Cultural, Branca Novoneyra, presentou o programa das festas dos Apóstolo, que arrancarán o venres 17 de xullo co pregón da futbolista santiaguesa Verónica Boquete. Serán 15 días de actividades, todas de balde, as que compoñen un programa marcado por tres eixes: a diversidade, a descentralización e a apertura.