Fiestas de Navidad 2012

A tradicional árbore de Nadal da praza do Obradoiro estará lista o vindeiro xoves, 13 de decembro. Un ano máis, o Concello utiliza unha árbore natural, que logo regresará ao seu lugar orixinal. Do mesmo xeito, o Departamento de Parques e Xardíns recollerá os árbores de Nadal para recuperalas no Viveiro municipal e logo replantalas.

A Concellaría de Centros Socioculturais oferta un ano máis un programa educativo de tempo libre para as datas das vacacións escolares de Nadal. Realizarase nas mañás dos días 26,27,28 de decembro e 2,3 e 4 de xaneiro, con horario de conciliación para as familias compostelás. Xa pode consultarse o listado de preinscritos en cada campamento.

Este Nadal 2012, un dos puntos fortes da programación da Concellería de Centros Socioculturais é a construción do Belén colectivo, feito polos nenos e nenas dos centros socioculturais. O resultado poderá contemplarse no Pazo de Raxoi dende o luns 17 de decembro.

O alcalde compostelán, Ángel Currás, e o director-xerente do Auditorio de Galicia, José Víctor Carou, presentaron a programación do Departamento de Cultura para este Nadal. Música clásica no Auditorio e unha nova edición do Todo Lírica; concertos de Compostela Rock, Íntimo&Acústico e Sons; dous espectáculos de Falabaratos; dous de Teatro&Danza e un apartado especial Infantil&Familiar, conforman esta programación pensada para satisfacer ao público de todas as idades e de todos...

O Concello de Santiago quere que os composteláns e os visitantes podan gozar das festas na cidade cun amplo programa de actividades, englobadas baixo o novo concepto #nadalamos. Non obstante, #nadalamos vai máis alá dun conxunto de actividades xa que pretende transmitir múltiples sensacións: ilusionar, felicitar, compartir, decorar, agasallar, degustar, cantar, sorprender, participar; en síntese, nadalar.

O martes 11 de decembro, ás 10:00 horas, ábrese o prazo de preinscrición para os obradoiros de pais e nais con bebés que co título Medrar en familia organiza a Concellaría de Centros Socioculturais dentro do programa Vive o Nadal 2012.

A pista de xeo abriuse ao público cunha xornada de portas abertas, que se prolongará ata mañá xoves ás 18:00 horas. O recinto, que permanecerá instalado no paseo central da Alameda ata o 3 de febreiro, foi inaugurado polo alcalde, Ángel Currás.

A concelleira de Comercio, Reyes Leis, presentou a segunda edición do Concurso Municipal de Beléns e Ambientación de Nadal, co obxecto de promocionar as manifestacións de tradición popular típicas das celebracións do Nadal.

A Xunta de Goberno Local adxudicou o contrato de iluminación pública de Nadal, que este ano chegará por primeira vez ao rural e tamén a máis rúas da cidade. Está previsto que o alumeado poida acenderse dous ou tres días antes do inicialmente previsto, o 21 de decembro.

A concelleira de Normalización Lingüística, Rebeca Domínguez, presentou o concurso Carta aos Reis Magos, destinado a promover o uso da lingua galega nestas datas de Nadal. Os propios Reis Magos motivarán os rapaces para que na súa carta formulen os seus desexos para o idioma.