Fiestas de Navidad 2011

Os concelleiros de Benestar Social, Paula Prado, e de Deportes, Adrián Varela, anunciaron máis actividades deportivas e de conciliación para os días de Nadal. Na praza da Constitución e en Fontiñas haberá unha ludoteca e, no pavillón do Restollal, cun completo programa de actividades deportivas.

Co Nadal chega de novo Todo Lírica, un ecléctico ciclo de concertos creado no 2001 co nome de Festival de Zarzuela de Santiago, que segue habitualmente o formato de recitais de voz e piano, e que cada ano vén ampliando os seus contidos a outros xéneros musicais. O ciclo, que se celebra ata o 3 de xaneiro con catro concertos comeza o venres 23 cunha orixinal celebración de Nadal na que Ximo Tebar e IVAM Jazz Ensemble nos presentan "Nadal de jazz arredor do mundo" ás 21:00 horas no Teatro Principal. No concerto poderemos escoitar as...

O alcalde compostelán, Xerardo Conde Roa, presidiu na praza do Obradoiro o acto de acendido das luces de Nadal. A iluminación adornará 36 rúas e prazas ata o 6 de xaneiro, dende as 18:00 ás 02:00 horas, agás os días 24 e 25 de decembro e 5 de xaneiro, nos que permanecerá acesa ata o amencer.

A Concellería de Economía, Comercio, Turismo e Mercados, dirixida por Reyes Leis, organiza por primeira vez as Noites Abertas do comercio compostelán, que se integran dentro do programa municipal de actividades para Nadal e que contan coa colaboración das asociacións comercias da cidade, Acotés, Compostela Monumental e Santiago Centro.

Quince nenos e nenas participaron do 23 de decembro ao 5 de xaneiro na segunda edición do campamento urbano Urbanadal, organizado polo Equipo de Dinamización Social Urbana Santiago Norte da Concellería de Benestar Social xunto coa ANPA do CEIP Apóstolo Santiago. Este campamento prestou aos residentes da Zona Urbana Santiago Norte, un servizo de apoio á conciliación da vida laboral e familiar no tempo de vacacións escolares desta época do Nadal.

Os concelleiros de Mercados, Reyes Leis, e de Cultura, Ángel Currás, exerceron de mans inocentes no sorteo de Nadal da Praza de Abastos, co que se pechaba a campaña O Nadal que ti queres, posta en marcha polo mercado.

Os concelleiros Amelia González e Adrián Varela recibiron en Raxoi os nenos e nenas que participan no campamento de Nadal do Centro Don Bosco.

A entrada das dependencias do Concello no Pazo de Raxoi están presididas desde hoxe por unha árbore de Nadal. Recupérase deste xeito unha iniciativa que xa se levara a cabo en mandatos pasados.

A concelleira Reyes Leis presentou en rolda de prensa outras dúas actuacións que pon en marcha o Concello este ano para dinamizar as festas e animar a todos os cidadás a participar nelas: un concurso de beléns no que poderán inscribirse tanto particulares coma institucións e outro que premiará os negocios de hostalería mellor decorados.

Coa chegada das data do Nadal, o Equipo Urbana Santiago Norte inicia unha campaña co obxectivo de recoller xoguetes para alegrar o Nadal dos nenos e das nenas máis desfavorecidos da Zona Urbana.