Aquí pode consultar diariamente as previsións informativas da Corporación Municipal (comparecencias, roldas de prensa...)

Previsións informativas para o martes 21 de novembro

10.00 h
No parque de Galeras (na illa de compostaxe, en fronte á rúa García-Sabell), o concelleiro de Medio Ambiente e Convivencia, Xan Duro, asiste á entrega de compost á veciñanza participante no programa municipal de compostaxe comunitaria.

11.30 h
Na Casa do Concello, ROLDA DE PRENSA do concelleiro do grupo municipal socialista Gonzalo Muíños, sobre asuntos de carácter local.

12.00 h
Na Alcaldía, o alcalde de Santiago, Martiño Noriega, reúnese co secretario xeral da Unión de Consumidores de Galicia, Miguel López.

12.00 h
Na Casa do Concello, ROLDA DE PRENSA do concelleiro de Espazos Cidadáns, Dereito á Vivenda e Mobilidade, Jorge Duarte, para dar conta dos asuntos a tratar na xuntaza do Pacto pola Mobilidade, que se celebrará pola tarde.

12.30 h
Na Casa do Concello, ROLDA DE PRENSA da concelleira de Igualdade, Marta Lois, para presentar o obradoiro de Autocoñecemento para o cambio para homes. Na rolda estará José Expósito, de "Micromachinhos", entidade coorganizadora da actividade.

12.45 h
No IES Rosalía de Castro, encontro do alumnado co Comando Igualdade. Actividade incluída no programa Compostela Móvese 2017.

13.30 h
Na sede da Asociación de Empresarios do Polígono do Tambre, o alcalde, Martiño Noriega, participa na reunión convocada a petición do Concello de Santiago para analizar o Plan Estratéxico do Polígono da Sionlla. Asisten a conselleira de Infraestruturas e Vivenda, Ethel Vázquez; o concelleiro de Espazos Cidadáns, Dereito á Vivenda e Mobilidade, Jorge Duarte; a concelleira de Igualdade, Desenvolvemento Económico e Turismo, Marta Lois; e representantes da Asociación de Empresarios do Polígono do Tambre, a Cámara de Comercio e a USC.

17.00 h
No CSC das Fontiñas, encontro co Comando Igualdade. Actividade incluída no programa Compostela Móvese 2017.

19.30 h
No Auditorio de Galicia, o concelleiro de Espazos Cidadáns, Dereito á Vivenda e Mobilidade, Jorge Duarte, preside a xuntanza do Pacto pola Mobilidade.

Compartir: