Previsións informativas para o xoves 10 de marzo
11.30 h
Na Casa do Concello, ROLDA DE PRENSA da concelleira de Deporte, Esther Pedrosa, para presentar o XIV Trofeo Cidade de Santiago de Judo. Na rolda tamén estará o presidente da Federación Galega de Judo, Mario Muzas.
NOTA: retransmitirase por streaming a través da páxina web municipal.
13.00 h
Na Casa do Cabido (Praza de Praterías), o responsable de Smartiago, Sindo Guinarte, supervisa, despois da reunión de seguimento do convenio entre GAIN e o Concello de Santiago, os avances do programa no apartado de iluminación intelixente na Casa do Cabido. Acompáñano a concelleira de Economía e Facenda, Marta Abal; a directora da Axencia Galega de Innovación (GAIN), Patricia Argerey; e Sabela Pardo Rodríguez, directora da área de Programas de GAIN. A continuación desprazaranse ata Porta Faxeira para revisar os elementos CPI de mobilidade.
18.00 h
No CSC de Santa Marta, o concelleiro de Centros Socioculturais, Javier Fernández, entrega os premios do concurso de Entroido.
19.30 h
No Pazo de Congresos e Exposicións de Galicia, preestrea do documental "El Camino Interior", evento solidario a favor da Fundación Andrea.
19.45 h
Na sala Mozart do Auditorio de Galicia, Conversando con… Roberto Forés-Veses, previo ao concerto no que dirixirá á Real Filharmonía de Galicia.
20.30 h
No Auditorio de Galicia, ‘Praga-Bohemia’, concerto da Real Filharmonía de Galicia, dirixida por Roberto Forés-Veses cun programa de Mozart, Martinu e Dvoràk. Dentro do Programa de Abono Auditorio de Galicia-RFG.
