MOBILIDADE

O martes 1 de decembro arranca a peonalización do ámbito de Mazarelos

28/11/2020

A Xunta de Goberno do 23 de novembro de 2020 aprobou a peonalización do ámbito formado polas rúas Travesa da Universidade, praza da Universidade, praza da Fonte Seca e praza e rúa de Mazarelos en dúas fases: a primeira delas, dende o 1 de decembro, na que se permitirá a presenza de vehículos nestas rúas ata as 15.00 horas; e unha segunda fase, un mes despois, cunha peonalización total, sen convivencia cos vehículos.

Ler máis

ALCALDÍA

O alcalde agarda que as medidas restritivas vixentes na cidade se flexibilicen a partir do venres 4 de decembro

27/11/2020

A pesar da boa evolución das cifras da pandemia na cidade, as restricións vixentes non se levantarán este venres 27 de novembro. Así llo comunicou o conselleiro de Sanidade ao alcalde nunha chamada que se producía mentres o rexedor comparecía en rolda de prensa. Está previsto que o comité clínico se reúna de novo o martes e tome unha decisión a este respecto de cara ao venres 4 de decembro.

Ler máis

EMPREGO

Remata a edición máis virtual de Talentia

27/11/2020

O alcalde de Santiago, Xosé Sánchez Bugallo; o presidente da Xunta, Alberto Núñez Feijóo; e o ministro de Ciencia e Innovación, Pedro Duque, que asistiu de forma telemática, clausuraron o foro Talentia 2020, poñendo o broche final a unha edición especial marcada pola virtualidade a causa da pandemia. No acto tamén estivo presente o reitor da USC, Antonio López.

Ler máis

CENTROS SOCIOCULTURAIS

A organización supramunicipal Kaleidos.red, da que forma parte o Concello de Santiago, define as súas liñas de actuación para 2021

26/11/2020

O padrodado de Kaleidos.red, organización da que forma parte o Concello de Santiago, aprobou as liñas de actuación do ano 2021 marcadas polos Obxectivos de Desenvolvemento Sostible (ODS) de Nacións Unidas, especialmente os números 16, no relativo ao fortalecemento das institucións; o número 17, de cooperación e xeración de redes para acadar eses obxectivos; e a aposta por cidades sostibles; como medio de facer fronte con garantías e eficacia aos desafíos que plantexa a actual situación de pandemia; así...

Ler máis

ALCALDÍA

Talentia Summit ‘20 conságrase como a feira virtual de emprego de referencia

26/11/2020

Dende a apertura de inscricións, a web talentiasummit.com rexistrou máis de 43.000 usuarios activos e 300.000 vistas a páxinas, sendo a edición máis seguida de Talentia Summit. Mañá venres 27 ás 18.00h celébrase o Foro estratéxico de clausura, que contará coa presenza do alcalde de Santiago, Xosé Sánchez Bugallo; do presidente da Xunta, Alberto Núñez Feijóo; e do ministro de Ciencia e Innovación Pedro Duque, que participará de forma telemática.

Ler máis

PLENO

O Pleno dá o visto bo ao Plan de acción para o clima e a enerxía sustentable do Concello de Santiago

26/11/2020

Na sesión ordinaria do mes de novembro, o Pleno da Corporación aprobou o PACES, o Plan de acción para o clima e a enerxía sustentable, que busca diminuír nun 40%, como mínimo, as emisións de gases de efecto invernadoiro de aquí a 2030. Tamén se aprobaron por unanimidade dúas mocións para apoiar o comercio de proximidade e fomentar a compra de produtos galegos; e para iluminar o tramo de estrada que une Pazos coa Igrexa de Figueiras.

Ler máis

IGUALDADE

O manifesto municipal do 25N destaca o agravamento das desigualdades de xénero polas consecuencias socioeconómicas derivadas da pandemia

25/11/2020

A praza do Obradoiro acolleu esta mañá o acto principal do Concello de Santiago con motivo da celebración do 25N, Día Internacional contra a Violencia de Xénero. A Corporación presidiu esta cerimonia, na que se leu un manifesto institucional no que se destacou, especialmente, o agravamento da situación de desigualdade a causa das consecuencias socioeconómicas derivadas da COVID19.

Ler máis
Compartir: