MEDIO AMBIENTE
O CIAC organiza en febreiro un obradoiro de compostaxe e un roteiro por Belvís
O Centro de Interpretación Ambiental de Compostela (CIAC), situado en Belvís, organiza neste mes de febreiro dúas actividades: un obradoiro de compostaxe doméstica e un roteiro polo parque de Belvís. A inscrición nestas actividades, ambas de balde, pode realizarse a través do teléfono 981 543 145 ou da dirección de correo electrónico ciac@santiagodecompostela.gal.
DEPORTE
Case 350 parellas participarán este domingo en Santa Isabel no Torneo de Baile Deportivo BADEGA
A concelleira de Deporte, Noa Morales, acompañada do presidente da Federación Española de Baile Deportivo, Luis Vañó, e da delegada territorial en Galicia, Graciela Toba, presentou o Torneo de Baile Deportivo BADEGA, que se celebra esta fin de semana en Compostela.
EQUILIBRIO TERRITORIAL
A próxima semana comezarán as obras de mellora das rúas Picaños, A Estrada e Santas Mariñas
O concelleiro de Medio Rural e Equilibrio Territorial, Rafael Peña, anunciou hoxe o inicio, a próxima semana, das obras de mellora das rúas Picaños, A Estrada e Santas Mariñas. O proxecto, que lle afectará tanto ao pavimento da calzada como ás beirarrúas, conta cun presuposto de 300.000 euros e un prazo de execución de dous meses.
ALCALDÍA
O alcalde agradece o apoio do ministro de Fomento á proposta de darlle ao aeroporto o nome de Rosalía de Castro
O alcalde mostrou hoxe a súa satisfacción polo apoio do ministro de Fomento ao cambio de denominación do aeroporto de Santiago, apoio expresado na reunión que Íñigo de la Serna mantivo onte co presidente da Xunta, Alberto Núñez Feijóo. Este respaldo é fundamental para que a terminal acabe levando o nome de Rosalía de Castro, porque é Fomento quen ten a competencia sobre os aeroportos.
CONSORCIO
A RFG celebra ese xoves o seu concerto semanal, baixo a batuta do director polaco Michal Nesterowicz
A Real Filharmonía de Galicia celebra o seu concerto semanal de abono este xoves 2 de febreiro, ás 20:30 horas, no Auditorio de Galicia. A batuta levaraa o mestre polaco Michal Nesterowicz.
EDUCACIÓN E CIDADANÍA
Reunida a Comisión Tripartita para analizar a prestación do servizo de comedor escolar
O concelleiro de Educación e Cidadanía, Manuel Dios, reuniu esta mañá ás Anpas e á empresa encargada do servizo de comedor escolar no Concello de Santiago, Serunion, para avaliar a prestación do servizo e recoller suxestións e melloras para conseguir unha maior calidade. Na xuntanza de hoxe comprobouse que se está cumprindo escrupulosamente o prego.
SAÚDE
O Consello Municipal de Saúde solicita a comparecencia do xerente da área sanitaria
O Consello Municipal de Saúde mantivo onte pola tarde unha xuntanza extraordinaria para dar cumprimento a un acordo plenario no que se amosaba a preocupación da Corporación pola saturación na área sanitaria de Compostela.
CONVIVENCIA
Activado un operativo especial ante as previsións de fortes chuvias
O Concello de Santiago ten activado un operativo especial para facer fronte a calquera incidencia que se produza por mor do mal tempo que se prevé para as vindeiras horas. Neste dispositivo participan Bombeiros, Policía Local e Protección Civil, así como as empresas concesionarias dos distintos servizos afectados.
MEDIO AMBIENTE
O Concello insiste ante Medio Ambiente na necesidade da construción da EDAR
O concelleiro de Medio Ambiente e Convivencia, Xan Duro, mantivo esta mañá en Madrid unha reunión coa directora xeral da Auga do Ministerio de Agricultura, Liana Ardiles López. Foi unha xuntanza solicitada polo Concello co obxectivo de coñecer os prazos que manexa o Goberno central para a construción da nova estación depuradora de augas residuais, e para lembrar a urxencia desta infraestrutura.
