XUNTA DE GOBERNO

O Concello dedicará medio millón de euros a bolsas de comedor, material escolar e actividades extraescolares

10/11/2017

A Xunta de Goberno aprobou este venres a ampliación da dotación orzamentaria prevista na convocatoria para a concesión de bolsas de comedor, adquisición de material escolar e actividades extraescolares para o curso 2017-2018. O incremento é de case o 39%, de xeito que a partida para as bolsas achegarse ao medio millón de euros, fronte aos 360.000 euros previstos inicialmente.

Ler máis

MEDIO AMBIENTE

Tropaverde organiza dous obradoiros para restaurar computadores refugados

10/11/2017

No marco da campaña "Longa vida aos teus residuos electrónicos" e con motivo da Semana Europea da Prevención de Residuos, Tropa Verde organiza dous obradoiros o xoves 23 de novembro. Realizaranse nos centros socioculturais de Vite (17:00 h) e do Ensanche (19:30 h). Esta iniciativa lévase a cabo grazas a colaboración do Concello coas empresa Teimas Desenvolvemento, Revetia e Recyclia.

Ler máis

ACCIÓN CULTURAL

O ciclo #CapitalBlues trae a Santiago de Compostela a Nikki Hill e Ash Grunwald

10/11/2017

O vindeiro domingo, 12 de novembro, a artista de San Luis (Missouri) Nikki Hill volverá encher o escenario da Sala Capitol de soul, rock e rythm and blues. É o segundo concerto de Hill en Compostela tras unha primeira visita en 2014 na que xa deu mostra do bo facer musical desta artista, á que atribúen influencias de grandes referencias do R&B como La Vern, Ruth Brown e Etta James e a na que tamén atopamos pegada da fereza e enerxía de Little Richard. A súa actuación forma parte do ciclo de concertos #CapitalBlues, que conta...

Ler máis

ALCALDÍA

A Asociación de Municipios do Camiño integra xa a 81 dos 125 concellos do itinerario francés

10/11/2017

A Asemblea Xeral da Asociación de Municipios do Camiño de Santiago (AMCS), celebrada este venres en Compostela, aprobou a incorporación de 22 novos concellos. Entre os novos membros están concellos como de Pamplona, Arzúa, Pedrafita do Cebreiro, Samos, Sarria, Palas de Rei ou Cacabelos, que completan unha lista que xa chega a 81 concellos dos 125 polos que pasa o Camiño Francés.

Ler máis

XUNTA DE GOBERNO

Aprobado o proxecto de reurbanización de Patio de Madres e Castrón Douro

10/11/2017

A Xunta de Goberno aprobou este venres o proxecto de reurbanización das rúas Patio de Madres e Castrón Douro, na súa Fase I. A actuación ten un orzamento dalgo máis dun millón e medio de euros, e un prazo de execución de 18 meses. As obras serán cofinanciadas con fondos FEDER, no marco da EDUSI de Santiago.

Ler máis

XUNTA DE GOBERNO

As obras do ascensor de Triacastela poderán comezar na próxima primavera

10/11/2017

A Xunta de Goberno aprobou este venres o proxecto de mellora de accesibilidade na rúa Triacastela, unha actuación que foi proposta no marco do programa Urbana Santiago Norte. As obras teñen un orzamento máximo de licitación de case medio millón de euros, IVE incluído, e un prazo de execución de seis meses. A previsión é que os traballos comecen na próxima primavera.

Ler máis

ACCIÓN CULTURAL

Cineuropa premia ao director Manuel Martín Cuenca

10/11/2017

Este sábado 11 darán comezo as grandes homenaxes do festival coa entrega do Premio Cineuropa 2017 ao almeriense Manuel Martín Cuenca. O cineasta, nado en 1964, comezou a súa carreira como axudante de dirección de Felipe Vega, José Luis Borau, Icíar Bollaín e José Luis Cuerda. Xunto ao cinema, dedícase tamén á formación; impartiu clases na Escola Nacional de Cinema de San Antonio de Baños (Cuba), e actualmente traballa na Universidade Carlos III de Madrid.

Ler máis

ACCIÓN CULTURAL

Máis de 20 propostas para este sábado en Cineuropa

10/11/2017

Cineuropa ofrecerá este sábado 21 citas cinematográficas ao longo da xornada. A primeira delas, en sesión matinal, comezará ás 12:00 horas no Teatro Principal cunha película de animación para toda a familia: Le grand méchant Renard et autres contes (O malvado raposo feroz), dos franceses Benjamin Renner e Patrick Imbert. O filme, que se proxectará na súa versión dobrada, pasarase novamente ás 16:00 horas.

Ler máis

POLÍTICAS SOCIAIS

O Concello quere impulsar o Centro de Atención Integrada ás persoas sen fogar dentro deste mandato

10/11/2017

A concelleira de Políticas Sociais, Concha Fernández, abriu esta mañá a II Xornada sobre a situación das persoas sen fogar en Compostela: Recursos Específicos, no Auditorio da Facultade de Ciencias da Comunicación de Santiago de Compostela, onde manifestou que "a desprotección vai avanzando por causa dos recortes sociais e por iso para este Goberno é prioritario abordar a situación das persoas sen fogar". Concha Fernández asumiu que "é preciso seguir traballando a prol do acceso ...

Ler máis
Compartir: