Noticias

A Xunta de Goberno adxudicou este venres as obras da segunda fase da mellora de seguridade viaria na rúa Cañoteira de Meixonfrío, ás que se vai destinar un orzamento de algo máis de 150.000 euros. Da actuación, que ten un prazo de execución de catro semanas, encargarase a empresa Marconsa.

A iluminación de Nadal chegará este ano a novas rúas de Compostela e incrementará o número de elementos nas zonas que xa viñan sendo decoradas. Explicouno hoxe a concelleira de Acción Cultural, Branca Novoneyra, que reiterou que a iluminación, que xa está sendo colocada desde hai uns días, estará acendida desde o 30 de novembro ata o 7 de xaneiro. A edil lembrou que o Concello "apostou por incrementar sensiblemente o orzamento destinado á iluminación durante as Festas, respondendo ás...

O Teatro Principal acolleu este venres o acto central polo 25 de novembro, Día Internacional para a Eliminación da Violencia contra as Mulleres, dentro da campaña Compostela en negro. No acto participaron o alcalde de Santiago, Martiño Noriega; a concelleira de Igualdade, Marta Lois; a escritora Rosa Aneiros, varios membros da Corporación e algúns institutos de Compostela.

A agardada preestrea de A estación violenta, de aforo completo dende o xoves, terá lugar ás 20:30 horas deste sábado no Teatro Principal. A ópera prima da pontevedresa Anxos Fazáns, que asina o guión en colaboración con Ángel Santos, Xacobe Casas e Daniel Froiz, é unha adaptación libre da novela homónima de Manuel Jabois.

O alcalde de Santiago confirmou hoxe que xa foi presentada no Xulgado de Primeira Instancia de Madrid a demanda civil contra Carmen Franco, para esixir a devolución ao Concello das figuras de Abraham e Isaac, obras do Mestre Mateo que están en posesión da familia Franco. Martiño Noriega detallou que a acción xurídica foi interposta a través dun poder notarial, e sinalou que "a asesoría xurídica municipal estima que o máis probable é que a sentenza se demore polo prazo dun ano".

A Xunta de Goberno adxudicou este venres os contratos para a mellora das instalacións do alumeado público nos accesos á cidade, aos que se van destinar 1,3 millóns de euros. O alcalde, Martiño Noriega, lembrou que esta actuación "é posible grazas a que o Departamento de Medio Ambiente conseguiu un préstamo do IDAE, que nos facilita a renovación das instalacións". Martiño Noriega incidiu nos beneficios "tanto ambientais como en relación ao aforro económico que suporá esta...

O alcalde, Martiño Noriega, e outros/as integrantes da Corporación recibiron en Raxoi os/as participantes na participantes na IX Xornada Estatal de Psicoloxía da Violencia de Xénero.

A cidade ecuatoriana de Quito foi a primeira do mundo en ser declarada Patrimonio da Humanidade pola Unesco en 1978. Na actualidade está a traballar no Plan de Xestión do seu centro histórico e, en colaboración coa Axencia Española de Cooperación Internacional para o Desenvolvemento (AECID), elixiron as cidades españolas de Santiago e Málaga como modelos de referencia "innovadores e sostibles" que van servir para o deseño e implantación do seu plan. Vencellado a esta iniciativa, un equipo de expertos de Santiago...

O alcalde e os concelleiros e concelleiras do Goberno local mantiveron hoxe un novo encontro "Ao vivo", desta vez coa veciñanza da área urbana sur, que engloba os barrios de Conxo, Santa Marta, Choupana, Volta do Castro e Vidán. A reunión celebrouse na Sala Agustín Magán, do Centro Cívico de Santa Marta, e contou coa asistencia de máis de medio cento de veciños e veciñas do ámbito.