Noticias

A praza do Obradoiro acolleu unha concentración para condenar o último asasinato machista, que deixou esta fin de semana unha vítima en Xixón.

O servizo de Protección Civil de Compostela vai estrear unha nova furgoneta. O vehículo foille entregado hoxe á Agrupación polo vicepresidente da Xunta, Alfonso Rueda, nun acto celebrado na praza do Obradoiro, e no que participaron o alcalde, Martiño Noriega, e o concelleiro de Medio Ambiente e Convivencia, Xan Duro.

A concelleira de Turismo, Marta Lois, e os presidentes da Asociación Hostalería Compostela, Sara Santos e José Antonio Riveiro, presentaron no Pazo de Raxoi Santiago Paixón Doce, novo programa gastronómico que nace coa idea de promocionar como atractivo turístico a tradición larpeira da cidade durante a Semana Santa.

O Pleno municipal aprobou inicialmente os orzamentos e o cadro de persoal para o exercicio 2016 en sesión extraordinaria. A proposta presentada polo Goberno local saíu adiante cos votos favorables de Compostela Aberta, a abstención do PSOE e o BNG e os votos en contra do PP.

A Real Filharmonía de Galicia celebra o seu concerto semanal de abono este venres, 18 de marzo, no Auditorio de Galicia, ás 21:00 horas. Levará a batuta o director catalán Edmon Colomer, creador da Nova Orquestra Nacional de España e da Orquestra de Cadaqués.

Este martes iniciouse a viaxe a Salamanca do grupo de escolares do IES Eduardo Pondal que gañaron en Santiago o concurso do Programa Aula de Patrimonio, organizado polo Grupo de Cidades Patrimonio da Humanidade de España.

Unha vez rematado o prazo de inscrición no Programa de Conciliación Familiar e Laboral para esta Semana Santa 2016, organizado pola Concellaría de Educación e Cidadanía, e á vista de que aínda quedan prazas dispoñibles, continúa aberta a posibilidade de matrícula.

Con motivo da execución da fase 5 das obras do enlace de Conxo produciranse afeccións ao tráfico no periférico de Santiago de Compostela (SC-20), a partir de mañá mércores, 16 de marzo.

De lugares e órganos, o programa de música e outras paisaxes de Compostela que organiza a Concellaría de Acción Cultural para esta Semana Santa, comezará este mércores 16 coa actividade "O órgano sae á rúa". Será a partir das 19:30 horas na Libraría Cronopios.

Despois da intervención de Joana Hurtado, do Can Felipa, arredor da súa experiencia neste centro cívico de Barcelona, e de David Rodríguez AKA Tina Paterson, que afondou en novos modos de mediación cultural, é agora a vez da editora independente portuguesa Bárbara Bulhosa. Estará este mércores 16, na Zona "C", a partir das 20:00 horas, nunha charla baixo o título Edicións tinta-da-china: independencia e supervivencia. A Concellaría de Acción Cultural convida a todos e todas as...